واجهته وانا ابكي والعين تحضن العين

تذكر يوم أقولك جسد يحتوي روحين..!
وأوعدك ماأخليك وتوعد ماتخليني..!
أذكر يومها أشوف بالدنيا بس أثنين..!
قلبي اللي يحبك وقلبك اللي يحويني..!
بعدها بأيام شفت إيدك تحتضن إيدين..!
وأنصدمت يوم شفت إنها غير إيديني..!
سكت لجل خاطرك وقلت مرحبا بالزين..!
مرحبا باللي القلب لجله حييل كاويني..!
مر يوم واسبوع وشهر وبعدها شهرين..!
وهو لازال مايدري بإني شفته بعيني..!
وأخاف إني أقوله خاين وينجرح بعدين..!
وأخاف أسكت وبسكوتي صمتي حيل يشقيني..!
واجهته وأنا أبكي والعين تحتضن العين..!
سألته:ليه تنساني؟؟وإلا ماكنت تغليني؟؟
سكت ولف عنى خبى وجهه بالإيدين..!
اللي كانت تحضني وغيرها ماتدفيني..!
سحبت وجهه ومسحت الدمع على الخدين..!
وقلت له والله أحبك لو إنك تخليني..!
سكت فتره وقال لي:لازلتي تحبيني؟؟
ابتسمت وقلت :أجل ماعرفت للحين..
إني أحبك حييل واللي يرضيك يرضيني..!
سكت فترة وأنا أعاود فرحة بقت لسنين..!
وتركته وتركت حبه اللي بقى فيني..!
وصارت الدمعه إذا هلت أقول أهلين..!
والبسمه هجرتني ونست دربها فيني..!
بعدها بأيام سمعت خبر والله شين..!
سمعت إنه ماااات وهو يطلب يلاقيني..!
ويوم إني رحت ..وصيته لي بورقتين..!
الأولى بعا إسمي كتب بدمه يغليني..!
والثانيه يقول فيها:أبي أوضحلك شيئين..!
الأول أحبك حييل وماسكن غيرك شراييني..!
والثاني أمانه لاجيتي لأهلي تعزين..!
لاتنزل دموعك لي طلبتك لا تبكيني..!
كل اللي أبيه إنك بالخير لي تدعين..!
وإنك بالشهر مره بقبري تزوريني..!
واللي أبيك تعرفيه والمهم إنك تعرفين..!
اللي شفتيها معي كانت بموتي تبشرني..!
أنا اللي خليتك من كيفي عني تبعدين..!
لجل ماينجرح قلبك بلحظة موت تحويني..!
تكفين لاتظنين إني خنتك يالغلا تكفين..!
وإذا لا زلتي تحبيني دايم بالخير ذكريني..!
سكت وقلت:ياليتني ظليت معك يالزين..!
وشفت الموت ياخذك مني ولا كذا تخليني..!
تظنون إني نسيت أو الدمع جف بالعين..!
لا والله إلين اليوم وهو معي يخاويني..!
لو تدور الدنيا ولو تمر بعدها سنين..!
مانسيته ولو أشوف أحفادي حواليني..!

» قلت ما احبه وانا مجنونك
» اخاف تطيح دمعاتي وانا مقبل على عناقه