شــــــــــــــــــــــعـــــــــــــــــــر روعه

اخذني اليـا عجبتـك بـس ردنـي
وان ماعجبتك خلاص اخذني.. مابيني

مادامني شفت فيـك الطهـر والعفـة
باعيـف نفسـي ليامنـك كرهتـنـي

اخذني لو اعتبر من ضمـن اشيائـك
وانـا باحـبـك ولا لازم تحبني

لابي علاقة ولابـي نظـرة وبسمـة
احساسي اني بقربـك بـس يكفينـي

لو اني انضفت لأشيائك غصب عنـك
طلّ علـي ياغناتـي لاتخليـنـي

تراي لاجـا المصامـد مانـي بهيّـن
تقـول كـن العـرب لعبـة بيدينـي

شخصيتـي مـن غرابتهـا وطيبتهـا
كن الزمن في تحـدي بينـه وبينـي

اخذني الشاعر اللي ماصـدق حظـه
لاقلت: ياحظ وينك!! قال: ياوينـي!!

اخذنـي المبـدعه المتفلسـفه التحفـة
مؤمنه وتضحك على العالـم شياطنـي

شهرة شكسبيـر وافلاطـون ونيوتـن
لاقلت بيت شعر تطيـح مـن عينـي

واخذني العنصر اللي صدق متعنصر
من دون ربعي لـو اقطـع شرايينـي

واخذني اللي اليا منه طلـب يُعطـى
وتكف لامـن طلبتـك لاتردني

تكف ياغايتـي يابهجـة الدنـيـا
ابحـرق قلـوب نـاس ماتدانيـنـي

اخذني بكـل شـوق وقولـي: احبـه
وان شككوا فيك ولا فـي.. ضمني

قولي: رنيم والله انـها غاليـه جـدا
وياجعلها فدوه شبابـي واخـر سنينـي

وانا باصـدق كلامـك واعتنـز بالله
وباقول: للنـاس مايعنيـك.. يعنينـي

وانا علـي نـذر مارخـص جيتـك
وانتي نذر على رقبتك انك ماتخلينـي