منتديات نايس بلو
منتديات نايس بلو
منتديات نايس بلو
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتديات نايس بلو

منتدى عام
 
الرئيسيةأحدث الصورالتسجيلدخول
بحـث
 
 

نتائج البحث
 
Rechercher بحث متقدم
المواضيع الأخيرة
» رسميا | جون سينا المرشح الأول للمنافسة على لقب WWE
رواية أقول أنسى تمر ذكراي 2 Icon_minitimeالإثنين أغسطس 29, 2011 5:17 am من طرف جارح المشاعر

» شائعات حول طرد سين كارا الأصلي (ميستيكو)
رواية أقول أنسى تمر ذكراي 2 Icon_minitimeالإثنين أغسطس 29, 2011 5:11 am من طرف جارح المشاعر

» جون سينا ضد سي ام بانك
رواية أقول أنسى تمر ذكراي 2 Icon_minitimeالإثنين أغسطس 29, 2011 5:08 am من طرف جارح المشاعر

» نك نيم للبلاك بيري
رواية أقول أنسى تمر ذكراي 2 Icon_minitimeالإثنين أغسطس 29, 2011 5:00 am من طرف جارح المشاعر

» برشلونة نادي عريق
رواية أقول أنسى تمر ذكراي 2 Icon_minitimeالإثنين أغسطس 29, 2011 4:58 am من طرف جارح المشاعر

» نادي بولتلن
رواية أقول أنسى تمر ذكراي 2 Icon_minitimeالإثنين أغسطس 29, 2011 4:42 am من طرف جارح المشاعر

» نادي بولتلن
رواية أقول أنسى تمر ذكراي 2 Icon_minitimeالإثنين أغسطس 29, 2011 4:42 am من طرف جارح المشاعر

» مباري الأحد 21 أغسطس 2011ات الدوري الانجليزي
رواية أقول أنسى تمر ذكراي 2 Icon_minitimeالإثنين أغسطس 29, 2011 4:29 am من طرف جارح المشاعر

» بيتر تايلور
رواية أقول أنسى تمر ذكراي 2 Icon_minitimeالإثنين أغسطس 29, 2011 4:24 am من طرف جارح المشاعر

معلومات
زوار المنتدى الأن

أفضل 10 أعضاء في هذا المنتدى
غناوي الشوق
رواية أقول أنسى تمر ذكراي 2 Vote_rcap1رواية أقول أنسى تمر ذكراي 2 Voting_bar1رواية أقول أنسى تمر ذكراي 2 Vote_lcap1 
soso
رواية أقول أنسى تمر ذكراي 2 Vote_rcap1رواية أقول أنسى تمر ذكراي 2 Voting_bar1رواية أقول أنسى تمر ذكراي 2 Vote_lcap1 
بحر المشاعر
رواية أقول أنسى تمر ذكراي 2 Vote_rcap1رواية أقول أنسى تمر ذكراي 2 Voting_bar1رواية أقول أنسى تمر ذكراي 2 Vote_lcap1 
جارح المشاعر
رواية أقول أنسى تمر ذكراي 2 Vote_rcap1رواية أقول أنسى تمر ذكراي 2 Voting_bar1رواية أقول أنسى تمر ذكراي 2 Vote_lcap1 
3zo0ozy
رواية أقول أنسى تمر ذكراي 2 Vote_rcap1رواية أقول أنسى تمر ذكراي 2 Voting_bar1رواية أقول أنسى تمر ذكراي 2 Vote_lcap1 
MeMo
رواية أقول أنسى تمر ذكراي 2 Vote_rcap1رواية أقول أنسى تمر ذكراي 2 Voting_bar1رواية أقول أنسى تمر ذكراي 2 Vote_lcap1 
احساس راقي
رواية أقول أنسى تمر ذكراي 2 Vote_rcap1رواية أقول أنسى تمر ذكراي 2 Voting_bar1رواية أقول أنسى تمر ذكراي 2 Vote_lcap1 
مشاعل والحلى شاعل
رواية أقول أنسى تمر ذكراي 2 Vote_rcap1رواية أقول أنسى تمر ذكراي 2 Voting_bar1رواية أقول أنسى تمر ذكراي 2 Vote_lcap1 
toto
رواية أقول أنسى تمر ذكراي 2 Vote_rcap1رواية أقول أنسى تمر ذكراي 2 Voting_bar1رواية أقول أنسى تمر ذكراي 2 Vote_lcap1 
ابونواف
رواية أقول أنسى تمر ذكراي 2 Vote_rcap1رواية أقول أنسى تمر ذكراي 2 Voting_bar1رواية أقول أنسى تمر ذكراي 2 Vote_lcap1 

 

 رواية أقول أنسى تمر ذكراي 2

اذهب الى الأسفل 
كاتب الموضوعرسالة
غناوي الشوق
نائب المدير العام
نائب المدير العام
غناوي الشوق


عدد المساهمات : 465
نقاط : 1310
السٌّمعَة : 2
تاريخ التسجيل : 02/11/2009

البطاقة الشخصية
مرئي للجميع: 1

رواية أقول أنسى تمر ذكراي 2 Empty
مُساهمةموضوع: رواية أقول أنسى تمر ذكراي 2   رواية أقول أنسى تمر ذكراي 2 Icon_minitimeالجمعة ديسمبر 04, 2009 6:02 am

لجزء السادس

إحترت أنا مدري شسميه قلبي ولا نبضه ولا دم بعروقي يسير فيه
وإكتشفت إنه ولاإسم يليق ليه لأنه أكبرمن كل إسم للغلا ممكن أفكر فيه
هوحبيبي لا روحي لاعمري الي أحيافيه ولاهوحلم بحياتي أدور أدور وأرجع ألاقيه
"]دخلوا البنات على الجده وسميه وقامت ساره تقردنها وتدهن سيرها بيتين من القصيد
ساره: يامساء الخير ياأحلى مساء
أمسي من دونك ياالغالي حشى
جاي ولي صوبك مطلوب ورجاء
ترتضي أطلب ولا بتردني عسى
الجده وسميه:ههههه صح لسانك تعالي فديتك وبيصير إلي بخاطرك بس إنتي قولي مرادك
ساره: ياالله جعلني ماأخلا من هاالوجه السمح.... فديتك يمه أنا والبنات ضايقه صدورنا شوي ونبي نتمشى بس العيال مارضوا على قولتهم معزومين ولاواحد فيهم إفتكر فينا وقال مساكين خلني أطلعهم أوسع صدورهم
الجده وسميه : طيب يابنتي وش بيدي أنا وش تبوني أسوي
ساره: المطلوب فديتك إنك تاخذين مفتاح النيسان من عباس الطباخ وتروحين معنا وإحنا بنتكفل بالباقي
الجده وسميه: خلاص الي تبونه بيصير نادولي عباس وقولوله يجيب السياره
مشاعل : فديتش يمه والله إنك نصيرة الفتيات...... عاشت أمي وسميه
البنات : عاشت عاشت عاشت
وفعلآ صار الي يبونه البنات وخذوا مفتاح السياره من عباس الي جلس يتحرطم عليهم
عباس:والله ياماما هذاغلط بئدين هزا نفر في هاوش أنا وفي كنسل فيزا
الجده وسميه: لاتخاف محد بيقولك شيء هات المفتاح وروح ناد شمس الدين وإلحقونا باالسياره الثانيه
ضحى: ليه يمه كذا ماراح ناخذ راحتنا
الجده وسميه: مايصير يابعدي لازم يكون معنا أحد عشان لآخربت السياره لاقدرالله ولا صارشي وبعدين لاتخافين بيكونون بعاد شوي
البنات : الي تبينه يمه
راح عباس ونادى السواق الثاني وراحو ورا البنات بس بعاد شوي
وركبواالبنات السياره و البدايه كانت مع الكابتن مشاعل
مشاعل : الخطوط الجويه القطريه ترحب بركابها الكرام وتطلب منهم التأكد من ربط الأحزمه وتتمنى لهم سفرآسعيدآوبدت ربشة البنات مشغلين شريط الجسمي و بأعلى صوت لأغنيه الشاكي
الي جالسين علأطراف مطلعين روسهم وجالسين على الدرايش والي داخل السياره ماسكينهم وصراااااااااخ وتفحيطات ووناسه شوي يرقصون وشوي يصفقون وكل شوي يتبادلون السواقه والجده فرحانه عشانهم مستانسين عباس يوم شاف خبال البنات خاف يصير فيهم شيء قام و إتصل على العيال وقالهم
عباس: ألو بابا بندر(عم ساره الصغير توه متزوج حاااااااار فلفل وزوجته إسمها منال) هزابنات مجنون فيه آخز سياره نيسان وروه سوي تفهيط في برأنا في كوف هزا واجد خبل
بندر: وشتقول أنت وليه تعطيهم المفتاح
عباس: هوا في آكد مفتاح غصب آنا يقول كنسل فيزا وودي إنديا
بندر: زين ألحين أنتوا وين
وقال عباس لبندر عن مكانهم
ــــــــــــــــــــــــــــــــــــــــــــــــــــــــــــــــــــــــــــ
بها الوقت في بيت الريم
الريم تكلم ندى: هلالالالالالالالالا بالقاطعه هلا بالي عايفتنا
ندى: أناالي قاطعه حرام عليك ماكني دوم أدقلك قبل النوم وأول ماأصحى إنتي وهاالبدويه الي ناسيتنا
الريم: إي والله ناسيتنا شكلها مناشافت البر وشافت مشاعل وجمعتهم خلاص كنسلتنا وأنهت علاقتها بكل مايربط للحضاره بصله
ندى: هههههه صدقتي الخايسه من راحت ماإتصلت
الريم: شرايك نتصل عليها.......... ندى: يالله
إتصلوا ندى والريم على ساره
الريم وندى: ألـــــــــــــــــو ممكن البدويه
ساره: البدويه عالخط من معها لايكون الحضر
الريم وندى: لا الخضر
ساره: كر كركر كر ضحكتوني
الريم: وش هاالإزعاج الي عنكم
ساره: طال عمرك طالعين نسوق باالسياره ونتمشى وفي أرض الله الواسعه
ندى: حلفي والله مصدقين أعماركم ياليت تمر دوريه من جنبكم
ساره: ياالله ياالحسد وبعدين من وين بتطلع إنشاءالله من تحت الأرض ولا بتنزل من الفضاء الخارجي
الريم:ههههههههه أتخيل أشكالكم تهربون والدوريات تلاحقكم
ساره: لاحبيبتي إطمني ماأحد بصايدنا السواقين يلحقونا باالسياره الثانيه
ندى: غريبه توقعتكم تطلعون لحالكم تسوونها
ساره بصوت واطي: شنسوي أمي وسميه حكمت إذا نبي نطلع يكونون ورانا عشان إذا صارشيء لاقدرالله يكون معنا أحد
الريم: ياحليلها شخبارها والله إنها مدلعتكم ياليتها جدتي
ساره بصوت عالي: هي إنتي حقوق النسب محفوظه لوسمحتي بلا تعدي على جديدتنا راس مالنا هي
الجده وسميه: ههههههه كل هذا دهان سير
ضحى: آفا يمه ماكانت الهقوه فيك تضنين الشر فينا خلاص إحنا زعلانين الجده وسميه: فديتكم لاتزعلون أنابس أمازحكم
ندى تكلم ساره: هي إنتي يالبدويه متى بترجعون مازهقتوا من هاالرمل إلي مقابلينه
ساره: حبيبتي حنا بدو حنا عما عين العدو
ندى: بسمله على عيوني ياالخايسه تدعين علي
ساره: إنتي الي جبتيه لنفسك
الريم : خلاص إنتي وياها أقول السوري شخبار روميو
ساره: من روميو ذا بعد
ندى: الريم قصدها ولد العم المعذب
ساره:لاحول أمحق طاري أنا كم مره أقول لاتجيبون طاريه
ندى: ياخي حرام عليك حسي فيه والله إنه رهيب بس إنتي ماتنعطين وجه
ساره: ندوش قفلي على الموضوع
ندى: بقفله ألحين بس برجعله بعدين أنا يبيلي قعده معك أشوف فيها حالتك هذي
ساره: وش فيها حالتي بعد ماأشكي باس
الريم وهي حابه تغير السالفه:أيوااا عاشت الروايات الإماراتيه أناأشهد لها تأثير
ساره:آه لاتذكريني ترى خطرأذوب عاالتلفون
ندى: أبوك ياالرومنسيه وينها كل هالرقه والحنان ليه ماتطلع لولد عمك
ساره:أعوذبالله وبعدين معاك تآمرين فيه خلاص واصل لاتحلفين
ندى: صدق ياليت بس إحنا ماناخذ بدو
ساره: ياقليلة الأدب تحمدين ربك أصلآ إذا فكرنا ناخذك أو خذاك بدوي
ندى: طبعآ لي الشرف بس تدرين عادات وتقاليد :
الريم:أنا بعرف هاالعادات والتقاليد متى بتتغير
ساره : حبيبتي ماراح تتغير أصلآ إحنا حلاتنا بعاداتنا وتقاليدنا صح إن بعضها غلط بس الباقي كله خير وبركه وإحنا الي لازم نشوف الزين ونسويه والشين نبعد عنه
ندى والريم: صدقتي يالله مانطول عليك سلمي عالي عندك مع السلاامه
ساره: مع السلامه
بعد ماشبعوا البنات من التفحيط والزحمه الي سووها رجعوا المخيم وكانت الي تسوق فيهم باالرجعه نوره وأول ماوصلوا للمخيم إلا بالجيش طالع يستقبلهم
نوره أول ماشافت العيال جايين صوبهم وكل واحد فيهم خاطره يذبحهم من الخوف بسرعه نزلت من جهة السواق بدون ماتوقف السياره.....
بندر بصراخ : وين كنتوا إنتي وياها وكيف قدرتوا تاخذون السياره وتطلعون لحالكم من دون رجال
البنات ولاكلمه ساكتين وخايفين من الإستقبال الحار
مشعل (ولد عم ساره ماأدانيه ولاينزلها من زور على قولة إخوانا المصريين)
مشعل وهو ماسك خيزرانه بيده:وين مفكرين أعماركم بأمريكا بس أنا أوريكم إذا ما أليخكم بها الخيزران
تقاطعه الجده وسميه : ولا واحد فيكم ينطق على بناتي (وتخز مشعل بعيونها)والي فيه الخير يقرب صوبهم
بندر: يمه مايصيرإنتي كذا تخلينهم يتمادون
الجده وسميه : لاأبد مهوب صايرشيء إلا إنتوا تبالغون
بشاير (إخت مشعل صف ثاني متوسط): حشى لاإنتوا مطلعينا ولاراح تخلونا نطلع
محمد (إخوهم الثاني وهو بصف أول ثانوي ):جب لاألفك بكف يسنعك
الجده وسميه: فيك خير ألمسها ولا قربها
ساره: خلاص بندر ماصار إلا الخير وبعدين عباس وشمس الدين كانوا ورانا بالسياره الثانيه (هي تنادي عمها بإسمه لأن الفرق بينهم 7سنين)
ناصر( إخوساره): حتى ولو إلي صار غلط
ساره وهي تخز إخوها: زين خلاص قفلوا الموضوع
بندر: زين خلاص روحوا داخل وياويلكم لو تعودتوها تبون تسوقون قولولنا وإحنا بنسوقكم وبنمشيكم
في: طيب إحنا قلنالكم ومارضيتوا على أساس معزومين
سعد: حشى مافيكم صبر لين نرجع
البنات بصوت واحد: لالالالالالالالالالالالالالالالالالالالالالالالالالا
مشعل : ولواااااااااااااااااا
أبوسعد(عم ساره الكبير وهو يصي أبو مشعل): هههه والله إنكم سوالف خلاص روحوا ولابغيتوا شيء أبد مايردكم إلا لسانكم
البنات : تسلم عمي ومشوا خطوه للخيام وخطوة على ورا عشان يغايضون الشباب ويقهرونهم
ـــــــــــــــــــــــــــــــــــــــــــــــــــــــــــ
ضحى : وهذي كانت البدايه
نوف: يامقواكم بس والله وناسه ليتني كنت معكم
ريم: إنزين قولولي العيال ماردوها لكم مايصير
ساره: لا حبيبتي ردوها
نوف : شسوووووووووو
ساره: إنتظروا لين نام كل الي بالمخيم وجاوا صوب خيمتنا وفتحوا الباب وإحنا طبعآ كنا سهرانين وما حسينا إلا بها الجرابيع داخله مع الباب وتتنقز بالخيمه وإحنا إناقز وراها
ريم: هههههههههههههههه آه يابطني ههههههه ط ي ب شدراكم إنهم ورا سالفة الجرابيع
ساره: لأنهم أرسلوا على تلفوناتنا مسج كتبوا فيه
(نومآ هنيئآ وأحلامآ سعيدة مع جرابيعنا اللطيفه)
نوف:هههههههههههههههههههههههههههه ومارديتوها لهم
مشاعل: أفا عليك نعجبك إحنا صيدنا الجرابيع وجمعناها بكرتون وبعدها حطينا بسيارة كل واحد منهم جربوع ولا إثنين وصراحه فاتتكم أشكالهم لما
إكتشفوا الجرابيع وهي تنطنط داخل السيارات هههههههههه والله شكهم كان يضحك
ريم: هههههههههههههه آه بطني ماعاد أقدر هههههه أتخيل أشكالهم هههههه
ساره : لا وبعدها ردوها لنا ماقصروا عيال الذين حشرونا
نوف: ليه شسووا بعد
مشاعل : قولي وش ما سووا صار.............. وإحنا سوينا............. وهم ردوعلينا ب.......................... وماقصرنا إحنا بعد ...................
الريم :الله كل هذا مالومكم يوم سميتوها حرب
في: أنزين شتتوقعون يردون علينا
ضحى : ماأدري بس شكلهم هالمره ناوينلنا على نيه
بشاير: الله يستر
بعدها نسوا البنات هاالموضوع وقاموا يخططون يبون يسوون حفلة نجاحهم باالسمستر الأول بالبر
ساره: نبي نطلب الكيكه من محلات.............. ونخليهم يكتبون أسمائنا عليها
مشاعل: إيه عشان يصكونا بذيك العين بسملله علينا حول 14 بنت وين بيصفون أسمائنا
ساره: طيب خلاص نخليهم يكتبون مبروك النجاح بس
عهود: حلو .... ونكلم أم هيثم الطباخه ونخليها تسويلنا الكبه والمعجنات والورق العنب ونطلب التبوله والفتوش والسلطات من مطعم ........
ضحى : بس يمكن تخرب السلطات عالطريق
ساره: لا بنقولهم مايعصرون الليمون فوقها ولما تجينا إحنا بنحط الليمون وبكذا تصير كأنها فرش
ضحى: طيب مين الي بيجيب الأغراض
شيخه : شمس الدين بنقوله بكره يمشي عالساعه 2 الظهر وبيوصل هناك عالساعه 4 يجيب اطلبات ويرجع بيوصلنا عالساعه7 أو7ونص
مشاعل: تمام
ريم: وأنا عندي فكره بكلم عبدالعزيز إخوي يجيبلنا من الألعاب الناريه الي يستخدمونها باالجيش هو بكره جاي عنده إجازه ثلاث أيام( عبدالعزيز29 أخو نوف وريم الكبير متزوج من بنت عمه رفعه وعندهم ولد وبنت وعندهم غير عبدالعزيز 3 نايف 24 موظف وعبدالرحمن 17 ثاني ثنوي والمرحوم عبدالله 26 )
نوف : يالله عجل قومي كلميه بسرعه عشان يجيبها معه وهو جاي بكره
بشاير: الله الحفلة كلمالها وبتحلو
ساره: زين إحناعلينا نكلم المطعم والطباخه ومحل الحلويات وشمس الدين وإنتوا عليكم عبد العزيز
اليوم الثاني
وفعلآ جاء اليوم الثاني وكل شيء جاهز ومتظبط على أحسن شغل

البنات سوولهم وسط المخيم زي الدكه (جلسه) وفرشوها وزينوها
وحطوا بداخلها المسجل وجهزوا لأعمارهم زي الزفه على قولتهم زفة النجاح وكانت الزفه إغنيت قمر لعبدالمجيد وماخلوا أحد ماعزموه إلا الشباب مسوين عليهم منع وحظر تجول بس بعدين فكروا فيهاو قالوا حراااااااام كسر الخواطر خلونا نعزمهم لأنهم هم إلي بيشغلون الألعاب الناريه وعشان يشتغلون لازم ندهن سيرهم (هههههه أبوك يالمصلحه )

من جهه ثانيه بخيمة الشباب مشعل كان يحكي للشباب علي صار وسرقة البنات لدباه

سعد: هههههههه وعسى ماخرب الدباب
مشعل: لا الحمد لله ماصارله شيء أما لوكان صار كان أنتفهم وحده وحده
محمد: ومن إلي بيخليك تلمسهم هاالمقاريد بحماية الشيخه الراس العود
خالد : ياخي والله ماأحد رافع خشومهم ومساندهم غيرها وإلا لوهي مخليتنا نسنعهم كان مافكروا حتى يوصلون لباب الخيمه
فهد: لاعاد مش لهدرجه حرام عليكم كل هذا عشان خذوا الدباب يلعبون فيه شويء
منصور: هاها لو السالفه بس عاالدبالب كان هين سالفة الدباب بسيطه إنت لوتدري شكانوا يسوون قبل كان ماقلت حرام
فهد: ليه هم شمسوين................. وحكوا الشباب لفهد وش كان يصير بينهم وبين الشباب
فهد: ههههههههههههه كل هذا والله بناتكم مبهينين
مبارك: ههه قال بناتكم هي أنت ترى حالك حالنا أنت منا وفينا والي يصيرلنا يصير عليك
فهد: تسلم ما تقصر بس ماأتوقع يسوون شيء أكبر دليل إنهم عزمونا عاالحفله إلي مسوينها
مشعل: إلا شطاري هالحفله وشعندهم شفت شمس جايب لهم أغراض
مبارك:إيه طالبين كيك ومعجنات وسلطات من الديره ومرسلين شمس يجيبها لهم عشان على قولتهم يبون يحتفلون بنجاحهم
بندر: حشى ياهالبنات إلي براسهم بيسوونه بس دام السالفة فيها أكل ووساعة خاطر على راحتهم يسوون إلي يبونه
عبدالعزيز : لاوأزيدكم من الشعر بيت مكلميني من أمس عساس أجيبلهم ألعاب ناريه وشراخيات وخرابيط
محمد: إنزين جبت ولا لأ
عبدالعزيز : لوماجبت كان لقيتهم ملغيني من قائمة الدعوه
عبدالرحمن : يسوونها ماعليهم من أحد
مشعل: ألحين أنامايهمني كل هاالكلام أنافيني حره وأبي أطلعها ماأقدر أسكت عن الي سووه
نايف: خلاص أنا أقولك شتسوي أمي وسميه قالتلك لا تلمسهم ولاتكلمهم صح
مشعل: صح
نايف: يعني مامنعك من إنك تخرعهم أو تقهرهم
سعد : شوراك عطنا الزبده
نايف: تذكرون اللعب البلاستيكيه إلي على شكل......................................................... يعني نستغل فرصة إنهم ملتهين مع الألعاب و.............................
فهد:ههههههههههههه حرام عليك تبي تموتهم
مشعل: باالعكس إلي إحنا بنسويه شويه باالنسبه للي هم يسوونه
مبارك: من ألحين أقولكم أنا مالي دخل بهاالموضوع
سعد: إيه ماتبي تخرب الصورة الحلوة إلي مسوينها لك يازعم إني حليو
مبارك: ياخي يقولون الحسد يمنع صاحبه من دخول الجنه وترى الحسد صفه ذميمه مايمدحونها
سعد:ههههههههه أموت عاد أنا بالصفات الذميمه الي مايمدحونها

خاصت الحفله وإنتهى كل شيء زي مايحبون البنات وبعدها راحو خيمتهم عساس بينامون وكانت معهم منيره بنت عمهم وهي متزوجه واحد من قرابتهم بس من بعيد جايه تزورهم لأن مخيم أهل زوجها قريب من المخيم)

منيره: تدرون بنات واحد من عيالنا يقول إن فيه سكارى داجين باالبر وإن الشرطه إدورعليهم
شيخه: صدق
منيره: ماأدري يقول إن خويه يوم درى إنه طالع للبر حذره
ضحى: الله يستر
وبعدها جلسوا يسولفون ويضحكون .......... وفجأه........ سمعوا أصوات ورا الخيمه
كل وحده من البنات جلست تطالع باالثانيه وهي تنافض من الروع ............:00001عهود: بنات شتتوقعون هالصوت
في: أنا خايفه
مشاعل : كلنا خايفين
ضحى: إنزين شنسوي
شيخه : خلونا نكلم الشباب يجون يشوفون وش السالف
بشاير : إي صح أنا بكلم مشعل
ساره : خي ها التلفون كلميه بسرعه
عند الشباب
فهد: أممممممممم تتوقعون ألحين البنات شافوا المفاجأه
نايف : ماأدري يمكن
مشعل : ههه خاطري أشوف وجيهم
مبارك : حرام عليكم توكم من ساعتين ماكلين من خيرهم
بندر: بس إنه بالأساس من خيرنا
سعد : تصدقون والله كاسرين خاطري مساكين
بهااللحظة يدق تلفون مشعل شاف الرقم غريب
مشعل: ألــــــــــــــــــــو
بشاير: مشعل إلحق علينا
مشعل يطالع بالشباب وفيه الضحكه: ليه شفيكم صاير شيء
بشاير : فيه صوت غريب بالخيمه
وفجأة إنسمع عند البنات صوت
البنات وبصوت واحدآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآآآآ
مشعل: ألو بشايرررررررررررررررررررررررررر
سعد: شفيك شصاير
مشعل: يوم ماردت عليه فز من مكانه وجلس يدورله على عجره وأخذله وحده
الشباب: خير يامشعل
مشعل: ماأدري يقولون سمعوا صوت بره الخيمه وبعدها ماسمعت إلا صراخهم
ويقومون الشباب يتراكضون بره الخيمه وكل واحد فيهم ماخذ شيء بيده هذا عجره وهذا حديده و.....
بس الحمد لله محد طرى فباله ياخذ الفرد المخشوش بجيب الخيمه
عند البنات
الصوت إلي سمعوه كان صوت زي فتحة باب سياره وبعدها قفلته شوي ويسمعون صوت كاسات مضربه ببعضها
السكارى
سكير1 : أقول قم نحشه على هاالصراخ بيصيدونا
سكير2 :لا وين محد قريب بعدين هذي خيمة بنات وشكلهم وايد
سكير1 : إي والله بنات وياسلام لويكونون حلوات والله فله
عند البنات
عهود وهي تتنافض :نور يانور (أم فيصل وهي كانت نايمه) قومي يالله
أم فيصل(نور): شفيكم
ساره: خالتي ال س ك ا رى برى الخ ي م ه
أم فيصل : صحيح وقبل ماتكمل كلمتها إلا يسمعون صوت شقة قماش الخيمه من ورى
البنات :آآآآآآآآآآآآآآآآآآآآآآآآآآآآآآآآآآآ وبدقايق إهم برى الخيمه وركض لمخيم الشباب
سكير1 : ياكثرهم بس على وين رايحين
سكير 2: ما أدري صدق إنهم ناقصات عقل ودين وين رايحين بها الليل (علم نفسك أول)
سكير1: ما أدري بس كأني أشوف ثياب بيض تلمع جايه عندنا
سكير2:أشوف لا ياالخبل هذيلا عيالهم نحشششششششششششششششششه
وركض على سيارتهم وتفحييييييييييييط
الشباب
مشعل :شوفوا هناك لمبات سياره
بندر : بسرعه وراهم والله ماأخليهم عيال اللذين
وركبوا العيال سياراتهم ووراهم والسكارى كل شوي يحذفون عليهم شيء مره غرشة البطر ومره علب ببسي يحاولون يستفزونهم زياده
مشعل: شف الحيونات خلني أمسكهم بس والله لأقطعهم
مبارك: أنت ألحين ركز باالسواقه وإنتبه لاتقلب فينا السياره
بندر: مشعل قرب السياره وإلصق بسيارتهم
سعد : ليه شتبي تسوي إنت
بندر: بنقز من السياره وبتعلق بسيارتهم (رووووووووح ياالبطولة )
مبارك:إحلف يا جاكي شان الغفله
بندر: بروك مب وقت مزاحك ألحين
منصور: وهو صادق أنت تبي تذبح نفسك ياخي لا تفكر بنفسك فكر بأمك وأهلك
عبد العزيز: ولاتنسى إنك متزوج ومرتك حامل تبي تيتم ولدك قبل مايطلع


أم خالد (جدة ساره): تكلم ولدها بندر هي تعرف ولدها خبل وأي شيء بيسويه (قلتلكم فل فل) ..... والله لو ماترجعون ألحين لاإنت ولدي ولا أعرفك
بندر: يايمه مايصير هذولا تعدوا على حرمتنا ولازم يتسنعون
أم خالد: تبي تسنعهم بلغ عنهم الشرطه
بندر: بس أنا ماراح أرتاح لين أخذ حقي منهم بيدي
أم خالد : ياولدي إرجع لاتعور قلبي .... وجلست تصيح
بندر وقلبه يعوره على أمه : خلاص يمه ألحين بنرجع
وتموا يلاحقونهم إلين وصلوا عند تقاطع مدينه الحفر وبعدها رجعوا للمخيم بعد ماسجلوا نوع السياره ولوحتها
باالمخيم الكل جالس على أعصابه ويحاتي هاالشباب ( المخيم خالي من الرجال الكبار فاالسن لأن دواماتهم بدت ورجعوا الديره وبقى الشباب والحريم باالمخيم ومافيه من الكباريه إلا خالد (أبوسعد) عم ساره الكبير وهو رجع بها اليوم للديره عنده أشغال وبيرجع ثاني يوم) وماحسوا باالراحه إلين شافوهم طيبين وما فيهم إلا العافيه
دخلوا البنات خيمتهم وبقوا الحريم الكبار مع الشباب
أول مادخلوا البنات الخيمه كل وحدة رمت بنفسها عالأرض من الضحك لأنهم شافوا أم فيصل نايمه باالخيمه المسكينه شكلها يوم إهربوا البنات ماحست بنفسها إلا وهي نايمه
ضحى وهي فاقعه ضحك تصحي عمتها: عمتي نور هههههههههه عمتيهههها أم فيصل
نور وهي تفز من مكانها: شفيكم هاه صدتوهم
البنات ماعاد يقدرون يتحكمون بانفسهم كل وحدة ماسكة بطنها من كثر الضحك
نورة وهي تجلس: هههههههههه والله إنك شيء وماحست إلا بشيء لزج تحت يدها آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ
الشباب بسرعه دخلو الخيمه علبالهم صاير شيء
نايف: شفيه فيكم شيء
نورة جالسة تتأمل بالشيء إلي لقته : ووووووووووووووووووووووووووع شهاذا
مشعل : ميت ضحك آآآآآآآآآآآآآآه بطني ماأقدرههههههههههههه
ساره: يع من الي حاط ذا البلا هنا يعيييييييه
شيخه: وهنا بعد
الشي الي نورة جلست عليه هو اللعب البلاستيكيه الي حطوها العيال كأنتقام على سرقتهم لدباب مشعل هو العب الهلاميه إلي شكلها نفس أعضاء الإنسان يعني عيون ةخشم وشفايف وقلب و...... اشكال تلوع الكبد......... وحاطينها بكل مكان بالخيمه
سعد وهو يضحك: إحنا بنجيب سياراتنا وبنحاوط الخيام فيها وبنام اليوم فيها أخاف يرجعون هاالخبلان بالليل يالله شباب
الشباب طلعوا بعدها من الخيمه وهم مش قادرين يمشون من كثر الضحك
الفجر
البنات قايمين يتوضون لصلاة الفجر
ساره ومشاعل كانوا أول البنات ومامداهم يمشون خطوتين إلا رجعوا ميتين من الضحك
عهود: شفيكم
ساره :هههههههههه ما ش ف ت و ا ههااااااااااااااااههاي
مشاعل: العي ااا ل ههههههه بره ههههههههههههههههههههههههههههههههههههه
ضحى : بسملله عليكم شسالفتكم
شيخه : لايكون لقيتوا بطل السكارى وتوضيتوا منه على بالكم ماي أعرفكم تمشون وإنتوا نايمين
مشاعل: عله شايفتنا مصاديع بس والله شيء ههههههههههههههههههههه
ساره: هه تدرون العيال شمسوين
نوف: شمسوين بعد
مشاعل: ههه مش هم أمس جابوا السيارات وحاوطونا فيها أمس
شيخه: إي ندري قديمه وين الجديد
ساره: حشى خليها تكمل كليتيها بقشورها
مشاعل : إي والله كلتني
ريم: إنزين يالله علمونا مافيني صبر
مشاعل: تخيلوا فاصخين نعلهم وحاطينها تحت بيبان السياير هههههههههههههه
البنات ما إستوعبوا
ساره :شفيكم صايرين أغبياء هم مسوين كذا يازعم إحنا موجودين داخلها
البنات :هههههههههههههههههههههههههههههههههههههههههههههههههههههههههه

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

اليوم الثاني ببيت ندى

ندى( بنت شخصيتها قويه زي ماذكرت من قبل نحيفه سمره وحلوه وأحلا مافيها عيونها سود ووساع جمالها جنوبي خالص .......... وهي أكبر من ساره بسنه )
فاطمه إخت ندى ( صديقة ساره كانوا دوم مع بعض باالثنويه وتخصصوا القسم العلمي كانوا مايتفارقون بس الظروف فرقتهم ساره دخلت كلية الأداب والعلوم بالدمام وفطوم كليه العلوم الصحيه باالدمام كان الوضع صعب عليهم خصوصآ فطوم لأنها كانت وحيده كل شلتها بكلية الأداب لكن طبعا كبنت إجتماعيه من الدرجه الأولى سهل عليها تكوين الصداقات أما ساره كانت فاقده فطوم بس وجود صديقاتها حولها هون عليها خصوصأ إنهم جيران يعني متى مابغوا شافوا بعض وطبعآ الله يسلم التلفونات ماتوقف ....... فطوم مليانه شوي سميره حلاها بدوي رغم كونها جنوبيه يعني الخشم طويل والعيون بنيه ووساع الوجه دائري........
شخصيتها قريبه كثير من شخصية ساره لكنها أقوى منها وثقتها بنفسها كبيره حبوبه لأخر درجه كل شخص يعرفها لازم يحبها لطيبتها تدخل القلب من أول ماتشوفها )...... هي شخصيتنا الجديده
وعندهم إختين هم خلود خريجة كلية الدمام قسم كيمياء عضويه و أنوار 3ثنوي قسم علمي وإخوانهم وليد سنه4 كيمياء ومحمد2 ثنوي وخالد 2متوسط)


ندى جاسه تقلب بقنوات التلفزيون دخلت عليها إختها خلود
خلود: شفيها الحلوه طفشانه
ندى: إي والله إني طفشانه طفش ماحد عندي سوير وباالبر والريم اليوم بتروح االحساء وباقي الشله يانايمين ولا طالعين مدري شسوي
خلود : آفا وإحنا وين رحنا
ندى: فديتك فيك الخير بس تعرفين وحشتني سوالفهم
خلود : خلاص هانت كلها 6 أيام وتبدى الدراسه
ندى: الله يعدي هالأيام على خير وبسرعه
خلود: أقول ندوش شرايك نقول لوليد يطلعنا والله حتى أنا طفشانه
ندى: ياليت بس هو بيرضى
خلود: ماعليك أنا بخلي فطوم تكلمه تعرفين مايرد لها طلب
ندى: أنا بعرف إختك هذي شمسويتله ساحرته تصدقين حتى سويره لما أقولها شيء تقولي طيب شراي فطوم
خلود: تدرين فيها توأم روحها ماتفارقها
ندى: لاوالله وأنا وين رحت
خلود: إنتي بعد صديقتها بس تدرين إن ساره وفطوم مع بعض من كانوا صغار والريم بعد تدرين أحس أقرب ثنتين لها الريم وفطوم وبعدها إنتي وهاجر وبعدكم باقي البنات بس ماشاءالله صديقاتها كثار
ندى: ولاتنسين مشاعل وضحى وأصلآ السوري قلبها كبير ومافي وحدة تعرفها إلا تحبها
خلود: صدقتي إلا شخبارها وشخبار خالتها فاطمه الخاينه لها إسبوع ما إتصلت
ندى: تدرين مشغولين بها البر مدري إشايفين فيه
وتدخل عليهم فطوم
فاطمه: إنتوا تحشون في مين
ندى: في سوير وفاطمه وش يحببهم بهاالبر
فطوم: على قولة سويرتي بدو مانستغني عن التراب
خلود: ههههههه ياحليلها هاالسويره والله إنها فنتك
فطوم: طبعآ على خويتها (وتأشر على نفسها)
ندى: حشى من قال وبعدين شمعنى إنتي وأنا وين رحت
فطوم: إنتي في أسفل القائمه لا غير
ندى: أنا هاالبنت ذابحتها ذابحتها
فطوم : تكفين أنا جالسه أرتجف أتنافض من الروع سامحيني
خلود: بسك إنتي وياها .... فطومتي كلمي وليد خليه يطلعنا نتمشى
فطوم: أولآ لاتناديني فطومتي لأن هالأسم وعلى قولة سويرتي حقوق النداء محفوظه لها بس
ثانيآ أنا كنت جايه أقولكم خلونا نطلع زهقت من جلسة البيت
ندى: خلاص كلمي وليد وشوفي بيطلعنا ولا لأ
فطوم : OK
تتصل فاطمه بوليد ............... وليد: ألــــــــــــــــــــــــــو
فطوم: هلا بهالصوت هلا باالغالي هلا بسندي في وقت الضيق
وليد: هههههههه شوراك قولي
فطوم : فديتك إخوي حبيبي إنت ماتردني
وليد : على حسب كنت أقدر ولا لأ
فطوم: بغيناك تمشينا زهقنا من البيت
وليد: حرام كسرتوا خاطري خلاص نص ساعه وأنا عندكم تجهزوا
فطوم: يالبى قلبك أنا كنت عارفه إنك ماراح تردني
وليد: ههه واثقه الأخت بس حلوة هذي يالبى قلبك وين سامعتها
فطوم: هذي طال عمرك مكارم الشيخه ساره علينا
وليد: إلا من زمان ماسمعت عنها ولا عن أهلها وينهم
فطوم : بالبر
وليد: صحيح ياحظهم وناسه عجل
فطوم :ماأدري ماقد جربت صراحه
وليد : خلاص بكلم أبوي وعمي عشان نطلع نخيم لنا يومين
فطوم : صدق حلو ياالله لاتتأخر إحنا نستناك
(جاء وليد وطلع خواته طلعه حلوه غيرت شوي من الروتين فاالعطله)
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
اليوم الثاني الساعه 7 المساء
فطوم جالسه طفشانه ......... شوي ويرن تلفونها
زينه (صديقة فطوم تعرفت عليها باالكليه بنت حبوبه وقلبها أبيض وفطوم تعزها حيل ولهم سنتين مع بعض): ألـــــــــــــــــو مرحبا
فطوم: أهلين شخبارك
زينه:بخير إنتي شخبارك
فطوم:أنا بخير وعافيه غريبه صاحيه بها الوقت باالعاده ماتصحين إلا الساعه 1
زينه : تدرين بكرة ملكت عبير ومشغولين فيها
فطوم: صح ذكرتيني ألف مبروك باركيلها وسلميلي عليها
زينه: لا حبيبتي إنتي لازم تحضرين وتباركيلها بنفسك
فطوم: إسمحيلي ماأظن بقدر أجي
زينه : مو على كيفك أنا متصله أعزمكم وراح تجين غصبآ عنك
فطوم: لاتحرجيني يمكن ماألقى أحد يجيبني
زينه : قولي لوليد ماراح يردك إنشاءالله
فطوم:بحاول بس إذا ماقدرت لاتزعلين ok
زينه : إلا بزعل ونص لازم تجين
فطوم: خير إنشاءالله
زينه : طيب حبيبتي مع السلامه بستناكم بكرة
فطوم: أنشاءالله مع السلامه
راحت فطوم وطلبت من وليد يوصلهم بكرة لكنها قالها إنه معزوم مع الشباب على سهره فمالقت غير أبوها قالتهله إنها معزومه هي وخواتها على الملكه بكرة فوافق إنه يوصلهم
ثاني يوم باالملكه
زينه تستقبل فاطمه وخواتها عند الباب
زينه: هلاوالله يامرحبا تومانور البيت
فطوم:تسلمين منور بأهله وألف مبروك عقبالك
ندى: مبروك زينه عقبالك
زينه: آميــــــــــــــــــــــــــــــــــــــــــــــــــــــــــــــــــن
ندى: هههههههههههه شكلك مستعجله عالزواج
زينه: شنسوي نخاف يفوتنا القيطار
خلود: توك صغيره عجل أنا شقول
زينه : بهاالأيام الوحده تخاف من يصير عمرها 20 تلقين خلق الله شغالين أسئلة متزوجه..ولا........ مخطوبه .....ولا...... محجوزة ....... حشى مايخلون أحد بحاله
البنات :ههههههههههههه
زينه : تعالوا بوديكم لعبير أول
دخلوا البنات يسلمون على عبير ويباركولها
ندى وفطوم وخلود: مبرووووووك عبير
عبير: الله يبارك فيكم عقبالكم
خلود وفطوم: تسلمين
ندى: إذا علي أنا ماأبي أتزوج أبي أعيش حياتي
عبير: ليه الزواج سنة الحياة ومرد البنت لبيت زوجها
ندى: إلا أنا ماأبي ماأتخيل رجال يسيطر على حياتي
زينه: ليه
ندى: لأن الرجال سبب كل مصايب الدنيا
عبير: أوف مش لهاالدرجه
ندى: إلا وأكثر بعد أصلآ الرجال مالهم أمان والغبيه إلي تأمنلهم أحبك وأعزك أنا مقدر أعيش بدونك وهو يعرف من وراك عشرة
زينه: إي والله صدقتي
خلود : حرام عليكم خوفتوا البنت حسبي الله ونعم الوكيل
فطوم :هههههههه عاد ألحين مافي مفر خلاص وقعتي عاالعقد
عبير : عادي أقول هونت و نفسخه دام الشيخ موجود
زينه : صحيح خلاص أنا بروح أقول لبوي
عبير: لالا أنا أمزح حشى على طول ماصدقتي خبر
زينه: لا توك تقولين عادي
فطوم: ههه حرام عليك خليها تلقين الأعصاب مشدوده ألحين
بعدها طلعوا البنات من عند عبير وراحوا جلسوا مع المعازيم زينه وفاطمه جنب بعض وجنبهم ندى وخلود
زينه تشاور فطوم: فطوم شفته وبغيت أموت
فطوم: مين
زينه: محمد
فطوم: جد . ........ بشريني شصار
زينه : تعالي معاي نروح غرفتي وأنا أقولك كل شيء باالتفصيل ماأقدر أخذ راحتي هنا
فطوم:ياالله
في غرفة زينه
زينه: اليوم جاء عندنا كانت الساعه 12ونص تقريبا كنت رايحه المطبخ أشيك عالأغراض شوي وأسمعلك حس أحد داخل المطبخ إلتفت لقيته بوجهي إنصدمت ماأدري شسوي ولا وين أروح والمشكله لاعندي شيلة ولاشيء أتغطى فيه وما أشوفلك إلا الباب وركض عليه وقبل ماأوصل مسك إيدي
فطوم: (بشهقه) حلفي
زينه: والله (تبتسم) وقالي عقبالي أنا وإنتي إنشاءالله وقرررررررررريب وأسحبلك يدي منه وأطلع
فطوم: وااااااااو يابختك ألف مبروك
زينه: ليتك شفتي وجهي صاير ألوان أحمر وأخضر و..........
بهاالحظه رغد إخت زينه فتحت باب الغرفه ودخلت بكل دفاشه ... زينه وفطوم إنتفظوا من الخرعه
زينه و فطوم : بسم الله
رغد: ههههه هااهاااااي شكلكم يضحك
زينه : وش فيك إنتي مهبوله ليه ما دقيتي الباب
رغد: كنت مستعجله المهم أمي تبيك
زينه: طيب بروحلها. فطوم حبيبتي إنتظريني هنا بروح لأمي وبرجعلك
راحت زينه لأمها وتركت فاطمه بروحها باالغرفه وخلت الباب مردود .....................
ماجد إخو زينه كان يدور على مفاتيح سيارته تذكر إنه كان ناسيها بغرفة زينه لما كان عندها العصر
راح لغرفتها وفتح الباب
ماجد: زينه ماشفتي...... (سكت من الصدمه مايعرف شيقول)
فطوم كانت جالسه تنتظر زينه وهي منكسه راسها على الأرض وأول ماسمعت فتحت الباب رفعة راسها
وبدل ماتشوف عيون زينه العسليه إنصدمت بعيون سود تناظرها بصدمه
ماجد :آسف ماكنت أدري إن أحد موجود وصكر الباب ورجع لغرفته مثل الصاروووووووووووووووخ
فطوم ماقدرت تتحرك من مكانها من الصدمه كان ودها الأرض تنشق وتبلعها
رجعت زينه الغرفه وشافت فاطمه مش على بعضها
زينه: فطومي شفيك
فطوم:هاه لا أبد سلامتك
زينه: متأكده
فطوم: إيه .... خلينا ننزل أكيد خلود وندى يسألون عني
زينه : ياالله رغم إني حاسه فيك شيء
غرفة ماجد
ماجد جالس على سريره( يالله شهاالموقف شبتقول عني البنت أكيد متعمد لاحول ........ وأن بعد خبل كان المفروض أول ماشفتها أطلع على طول كان ماحست فيني بس أنا الغبي جلست وبقواة عين أطالعها ........ والله إني ماأستحي...... بس هذي مين شكلها غريبه مش من عايلتنا بس ماشاءالله عليها قمر .....إصطغفرالله أنا شلي أتمدحها) وهو يفكر حس بشيء تحت رجله نزل عينه شاف المفتاح
الله يغربلك توك تطلع وينك عني قبل شوي ....... إخذ المفتاح وطلع
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
غرفة فاطمه
من بعد مارجعت من الملكة وهي متضايقة بسبب الموقف إلي صار
فطوم( هذا أكيد ماجد إخو زينه الوحيد ........ ياالله شهاالفضيحه أكيد بيقول هذي شمجلسها بغرفة إختي وهي مش موجودة) فطوم جلست تآكل بنفسها من الإحراج ومالقت غير إنها تكلم توأمها تشكيلها علي صار
فطوم: ألــــــــــــــــــــــــــــــــــــــــــو
ساره:هلا حياالله ملائكة الرحمه
فطوم: الله يحيي المدرسه
ساره: وع الله لاقاله أناأصير مدرسه ليه بايعه نفسي
فطوم: ههه عجل ليه دخلتي الكليه
ساره: وهي كل من دخلت الكليه بتطلع مدرسه ياكثر الوظايف غير التدريس
فطوم: شخبارك
ساره: بخير . شفيك
فطوم: شفيني مافيني شيء
ساره: علي أنا . صوتك متغير شي مضايقك
فطوم: ياقلبي والله إنك تعرفيني أكثر من نفسي
ساره: آفا . إحنا عشرة عمر وخوات يالله قولي وباالتفصيل
حكت فطوم لساره الموقف إلي صار مع إخو زينه ...........................
ساره: هههههههههههههههههههههه والله إني أتخيل شكلك وإنتي مصدومه
فطوم: تضحكين علي إنتي ووجهك
ساره: ماعاش من يضحك عليك وأنا إختك
فطوم: بسملله عليك . سويره قوليلي شسوي والله حالتي حاله
ساره: الله ليه كل هذا مجرد موقف وصار وإنتهى ليش معذبه بنفسك
فطوم: والله إني مفتشله من زينه أحس الموقف سخيف
ساره:لافشله ولا شيء بعدين هي الغلطانه تركتك بغرفتها وراحت وخلت الباب مفتوح
فطوم: مدري شلون بقابلها بعد إلي صار
ساره:ماصار شيء عادي مشي الموضوع ولاتقولينلها شيء يعني كأنه ماصار
فطوم: شورك وهداية الله إلا تعالي شهاالهدوء إنتي وين باالعاده كله إزعاج
ساره : أنا بره الخيمه عشان كذا هدوء بس الجو رووووووووعه
فطوم: بس أكيد ظلام يمه أحسه يخرع
ساره: لاعادي متعودين وبعدين إحنا منورين كل المخيم باالمبات
فطوم: حتى ولو
ساره : هذا وماقتلك شصار تقولين يخرع شلو لادريتي
فطوم: ليه شصار
ساره : فديتك أمس طبوا على مخيمنا سكارى و............................. و..............................إلخ (هههههه مصدقه عمري تذكرني هاالحروف بتعاريف الكتب )
فطوم: يمه ولحد ألحين جالسين هناك مارجعتوا
ساره: ولابنرجع أحد يخلي الوناسه ووساعة الصدر ويرجع يحبس نفسه بين جدران البيت
فطوم: صدقتي إلا شخبار أمك وأبوك
ساره : الحمد لله ماشيه على العلاج والله يكتب إلي فيه الخير
فطوم: آمين زين إنتوا متى بترجعون صارلكم 12 يوم ماشبعتوا
ساره: بنرجع قبل الدراسه بيوم
فطوم:يعني بعد يومين ماكنكم طولتوا
ساره: لا باالعكس بنرجع بدري باالعاده نرجع أقل شيء ليلة الدوام
فطوم: بدو ماتعيفون البر
ساره: ولابنعوفه هذا روحنا روح البداوة
فطوم: فديتكم ياالبدو
ساره: شكرآ شكرآ مايحتاج
فطوم: زين ياالبدويه تآمرين بشيء
ساره: واحد ماك عربي مع سلطه و...
فطوم: إقلبي وجهك ياالله هاالطلبات غير متوفره حاليآ
ساره: ومتى تنزل للأسواق
فطوم: في القريب العاجل يعني بعد يومين
ساره: طيب مع السلامه يابعدي سلميلي على ندوش وخلود
فطوم: يبلغ ......إنتبهي على نفسك
ساره: لاتخافين علي أنا إبنة الصحراء والباديه
فطوم: عدال يابنت إبن عجلان
ساره:هه حدك علي ولا بخلي أبوي يجي من الرياض ويجرك من شعرك
فطوم: لايبوك محنا بقدكم ياالبدو قشراااااااان
ساره: إيه إحشمي نفسك وتأدبي
فطوم: ياالله ياقلبي مع السلامه والله إني إرتحت من كلمتك وبقدر أنام وأنا مرتاحه
ساره: أبدن إحنا باالخدمة 24 ساعه في 24 ساعه
صكرت فاطمه عن ساره بعد ماقدرت تريحها وتنسيها الإحرج إلي كانت فيه من هاالموقف

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
بعد ماصكرت ساره من فطوم رجعت للخيمه
مشاعل : مين كان عاالتلفون
ساره: فطومتي
مشاعل : ياحليلها شخبارها
ساره : الحمد لله شتسوون
ضحى: بنلعب ورقه تلعبين
بهاالوقت دخلت عليهم الجدة وسميه
الجدة وسميه : شتلعبون يابنات
شيخه : ورقة يمه تلعبين معنا
الجدة وسميه : ودي بس إني ماأعرفها
عهود : بسيطه بنعلمك
الجدة وسميه : خلاص إحسبوني معكم بس علموني إياها قبل
ساره : يمه اللعبه إسمها غمزه
الجدة وسميه : غمزه شهاالكلام
مشاعل : يمه هذا إسم اللعبه وطريقتها ( البنت الي معها ورقة الولد تغمز بعينها لباقي البنات والبنت إلي ينغمزلها تقط ورقتها عالأرض لحد مايبقى ثلاث بنات هالثلاث كل وحدة فيهم تخمن الولد عند مين وإذا كانت غلطانه تنجلد آخر اللعبه)
شيخه: هاه يمه فهمتيها
الجدة وسميه : إي شكلها سهله
ساره: بس على شرط يمه لازم تفصخين البرقع
الجدة وسميه : وشوله أفصخه عيب مايصير أستحي
ساره : لايمه عادي كلنا بنات وبعدين شلون نقدر نشوف عيونك من ورا البرقع
الجدة وسميه : خلاص بفصخه مايسوى علينا هااللعبه
وبدوا لعب وسبحان الله الولد كان عند الجدة وماخلت وحده من البنات ماغمزتلها في كل غمزه تطيح ثنتين ثلاث
ساره : يمه كذا مايصير إنتي فضحتي نفسك لازم يكون باقي ثلاث بنات باالنهايه
الجدة وسميه: يمه ماأقدر أخاف وحده فيكم تزعل تقول أمي مافوزتني وبعدين حرام تنجلد عشان لعبه
شيخه: يالبى قلبك يمه فديتك
ساره : ههه الله لايحرمنا منك
مشاعل :زين بما إن اللعبه خربت شرايكم نسوي ...............
الجزء الثامن


لو الغلا ينكتب بسطور ببقى بخيل بحظرتك
والأكيد إنه تخلص حروفي وماأوفي نظرتك
و مهما أعبر في كلامي ما يساوي بطلتك
لأنه مافي با البشر ممكن يوازي محبتك
(رحلة ألم)
مشاعل :زين بما إن اللعبه خربت شرايكم نسوي تمثيليه يعني زي التمثيليات إلي كنا نسويها زمان
ضحى: بس الوقت مايمدي متأخر
عهود: تو الناس الساعه 1 وين متأخر
نوف: طيب وشرايكم بيت الرعب
نور (أم فيصل): لا خلونا نسوي حفلة زواج وتكون الشخصيات بشعه وأكثر وحده يطلع شكلها يخرع هي أحسن وحده ماعدا المعرس لازم يكون مزيووووووون
ريم : آفا عليك مايحتاج أكيد
شيخه: خلاص خلونا نختار الممثلين أنا المعرس و إسمي حمد
نور: وأنا العروس
نوف: وأنا أم المعرس
ساره : وأنا الطقاقه
وضحى ( إخت مشاعل): وأنا أم العروس
مشاعل : أنا المصوره
ضحى : وإحنا
ساره: إنتو المعازيم
شيخه : يالله عندنا ساعه إلا ربع نتجهز فيها وبعدها تبتدي الحفله
الجدة وسميه : خلاص يمه عجل أنا بروح أنام
ساره : والله ماتروحين جلسي إسهري معنا وتفرجي على خبالنا
الجده وسميه : بس إنتوا بتتأخرون وانا وراي روحة سوق بكره
شيخه : قولي والله حتى إحنا نبي نروح السوق
الجده وسميه : خلاص قوموا ناموا عشان تقومنو من صبح وتروحون معي
مشاعل : معليه بنكمل إلي فراسنا وبعدين بنام وإذا إنتي فيج نوم روحي نامي وراج قومه وروحة سوق
ساره: كلام مشاعل صح يمه روحي نامي
الجدة وسميه : لابجلس شوي أشوف شبتسوون وبعدين بروح أنام
وراحوا هاالبنات كل وحده تلعب بنفسها من جهه
شيخه (المعرس) خذتلها ثوب من ثياب إخوها فالح وهي ماشاء الله طوييييييييييييله ولبسته وتسفرت باالشماغ ولبست وحدة من العبايات يازعم بشت وطلعت (تعق الطير من السماء)
نور(العروس) صارت أبله عطيات البلاشر من الخد إلى الأذن والشدو على العين رايح لنص الجبهه والحواجب تقول شارع وملبسينها فستان فوشييييييييييييييييي وطرحه بيضاء
نوف (أم المعرس ) تذكرون منى عبدالمجيد بالشريب بزه سبحان الله نسخه خصوصآ حبة الخال إلي يشوفها من كبرها يقول خنفسانه لازقه ومع المكياج صايره إشارة مروور ولابسه أحمر وماسكه مكنسه بيدها كخيزرانه
وضحى (أم العروس) نافشه الشعر وماخذه أعواد صغار موقفتهاو لافه فيها غرتها من قدام صايره سبرنغات أنتل خربان ومايحتاج لاعبه بوجها من يشوفها يقول شعشبونه ولابسه عنابي وماسكه بيدها عصا مخليتها كسيف
ساره (الطقاقه ) ملبسينها ملابس لافينها حول جسمها صايره درااااااام وصابغين وجهها باالون الأسود راسمي حواجبها مقرونه ومادينها مثل المسطره ومكبرين الشفايف كنها مطبات والأسنان ماخذين إستيكرات وملونينها بلأسود وملزقينها بأسنانها ولبسوهابشعرها باروكه شقرا ماله داعي أكمل صايره أم شرشبيل وطبعآ تكمله للإكسسوارات ملبسينها فستان روز قديم أخضر وملفع وماسكه طار صغير بيدها وماننسى البرقع أبو فص
وباقي البنات من شافهم قال الساحرات
وطبعآ الماكيير كان تحت إشراف مشاعل وفي إلي كانوا يتفننون في إظهار البشاعه على أصولها
وبدت الحفلة بتجهيز الزفه
مشاعل (المصوره): أول شيء بنعرف باالشخصيات هذا المعرس المزيون إسمه حمد
وهذي هي العروس المتغطيه باالطرحه ......... وهذي أم المعرس ........ وهذي أم العروس ......... وهذي الطقاقه أم محمد .......... وهذيلا المعازيم وألحين نبدا
(طبعآ كل هذا كان بخيمة النوم والحفلة بيسوونها بخيمة القعده )
مشاعل : هاه بنات جهزت الزفه
ضحى : إيه خلاص عدي إلى الخمسه وبعدها بنظغط زر التشغيل
مشاعل : يالله حمد إنت ويا العروس تجهزوا إذا سمعتوا رقم واحد إطلعوا يالله
5...4...3....2...1... أكشن
وطلعوا حمد وعروسه من باب الخيمه يمشون لخيمة القعده إلي كانت بعيده شوي وقدامهم الطقاقه تدق بطارها وأمهاتهم يرقصون قدامهم والبنات وراهم للتشجيع
بدت الزفه لراشد الماجد البدر ( حد منكم شاف باالدنيا بدر مقبل يمشي ومن حوله بشر من حلاه....... ولايلاه هلا الله كللوووووووووووووش ..... على النبيي محمد ياالله صلوا عليه ......كللووووووووووووووووووووووووووش .. الطقاقه أم محمد...ططاطنق ...ططاطنق.... هلا هلا ..ورا .... عاشوا ...... هذي ماهي بدر ليل يختفي مع طلوع الشمس وبزوغ الفجر أو بدر يصبح بعد مده هلال هذي بدر مكتمل طول الشهر ....... وياالله صلوا عليه ..........كللووووووووووووووش )
ووصلوا الخيمه وكانو مجهزين كل شيء من الكوشه إلى الحلويات
وجلسوا معاريسنا على الكوشه والطقاقه تترنح قدامهم.... ططاطنق .... ططاطنق .... اللهم صلي وسلم عليك ياحبيب الله محمد ... ككللووووووووووووووووووووووش
وبعدها حطوا إغنية محمد عبده ( عريسنا ... وعريسنا يانجم بادي زانت لياليك الحضور .... جينا نهني ونغني...... وقاموا أمهات المعاريس يرقصون وكل وحده تدز الثانيه وتهددها بالي بيدها وتدخل بينهم الطقاقه أم محمد عرض...ططاطنق ...ططاطنق .... عاشوووووا ... على قلبي .... وعريسنا الليله يافيصل سبحان من نور سماه.... ) وألحين جاء وقت رفع الطرحه وطبعآ البنات ماسمحوا لحمد يشوف عروسته حتى وقت التزيين (عيب مايصير) وكهديه من البنات حطوا إغنية سمي لمحمد عبده
(سمي .... سمي ........ سميييييييييييييي .... سمي ....
ياالعيون الي تصيب ولا تسمي منك أحب الجرح لوما ينتبارى .... باالعقل سمي وباالخفاق سمي كلمتين كلها يمك تبارى ..... سمي .. سمي ...... وبهاالحظه غمزت مشاعل لحمد يرفع الطرحه)
حمد : يمىااااااااااااااااااااااااااااااااااااااااااااااااااااااااااااااااااااااااااااااااااااااااااااااااااه ... بسم الله
العروس وهي تبتسم وتبين صف أسنانها النحااااااااااس وتتعلق بيده : هيء هيء زوجي حبيبي
حمد : هديني حسبي الله على بليسك لا أتحلم فيك باالليل
أم العروس وهي مبققه عيونها: ليش شفيها بنتي تقول للقمر قوم وانا أقعد مكانك
حمد : واضح ماشاءالله
أم العروس : شقصدك بنتي مبعاجتك
أم المعرس : هييييي إنتي لاتصرخين في وجه ولدي حبيبي قلب أمه وبعدين هذي بنت هذي جيفه
أم العروس : الجيفه إنتي وولدج مالت عليكم صدج ماعندكم نظر ولا أحد يشوف هاالقمر ويصد عنه
أم المعرس : مالت عليج إنتي وبنتج قمر وين القمر إلا إذاكان فحزة خسووووف
وتدخل عليهم أم محمد عرض : ططاطنق .... صلوا على النبي ....هلا هلا ... فضحتونا بين المعازيم ..... قعدوا....يالله يابنيات قوموا رقصوا حيولنا هالعرس
ويحطون أغنيةلفرقه ميامي .... وقاموا البنات يرقصون .... وكل مامرت وحده من جهة المعرس حذف عليها الرقم...... والعروس كل ماشافته يغازل فلعته بعصات امها وهو ماعليه منها ...... وآخر شيء نزل يرقص مع البنات إلي إلتفوا حوله .... وتجيهم العروس وتطيح فيهم ضرب ....... رجلي لاأشوف وحده مقربته .... وتسحبه من إيده للكوشه .... تعال يامال الضعفه أنا عندك وإطالع بهالقرووووود
حمد: إوه إنتي هنا على بالي إنقرضتي عسى الله ياخذك ويفكني منك
العروس : وأنت معي حبيبي ماخليك لحالك مع هاالمتوحشات
حمد: حسبي الله عليك إذا هم متوحشات عجل إنتي من
العروس : أنا باربي فديتك
حمد : باربي ولا شكيرا مالت ..... وتمر ضحى من عنده وترقص قدامه وتغمزله بعينها .... هلا هلا والله ياحي هالزول ... الرقم ..055 وإدعس خطــــــــــ
وتجي عهود وتلفح بهالشعر عنده ... يامرحبا عاشت عاشت .... وطبعآ تجي أم محمد .... طاطنق ... ططاطنق فوق راس عهود ... ورا ورا ..... عاشوا ... سرى
أم العروس تهدد بعصاها : إنقلعي إنتي وياها مالت من حلاتكم يالله مناك
بعد ماطلعوا إلي فراسهم قاموا المعاريس عشان يمشون ويروحون لشهر العسل والبنات معهم يزفونهم على إغنية راشد الماجد فمان الله يامسافر
طلعوا البنات وأمهات المعاريس قالبينها محزنه ودموع أم المعرس من جهه وأم العروس من جهه وسووا نهري دجله والفرات
( فمان الله يامسافر .... عسى الله يسمح درووبك وترجع باالسلامه ... معاك أيام عشناها لها بعق
الرجوع الى أعلى الصفحة اذهب الى الأسفل
غناوي الشوق
نائب المدير العام
نائب المدير العام
غناوي الشوق


عدد المساهمات : 465
نقاط : 1310
السٌّمعَة : 2
تاريخ التسجيل : 02/11/2009

البطاقة الشخصية
مرئي للجميع: 1

رواية أقول أنسى تمر ذكراي 2 Empty
مُساهمةموضوع: رد: رواية أقول أنسى تمر ذكراي 2   رواية أقول أنسى تمر ذكراي 2 Icon_minitimeالجمعة ديسمبر 04, 2009 6:08 am

الجزء التاسع



بدايه أول يوم دراسي يوم السبت


أمممم إسمحولي بس بالأجزاء الجايه بيكون التركيز على ساره وشلتها ويومياتهم باالكليه .....
وإعروني إذا ماحددتلكم من قبل هي بأي سنه ساره والريم ومشاعل ونوره صديقتهم سنه ثانيه كليه
ضحى وعهود وريم سنه أولى ........ ندى سنه ثالثه....نوف سنه رابعه ....



سارونه من قامت وهي تتعدل وتتكشخ (طبعآ أول يوم) والسجل يرنح بأعلى صوت بغرفتها على
إغنية دريد ( باقي من الوقت لي عندك ربع ساعه ............ وأروح وأغيب عنك طول الأيامي .....
أشوفك اليوم عقب الضحك مرتاعه.............. واليوم باروح لو تبكين قدامي ......)
و الشيخه تتعدل وهي تهز الوسط هلا ..... عاش ..... يسلااااام .....

الساعه ال 7 صباحآ

إلا يدق جوالها نغمه ....... من سمعتها البيت كله إرتج .... بسرعه تسحب العبايه والشنطه (طبعآ هاالنغمه من صديقاتها يخبرونها فيها إن الباص بيوصل بعد دقيقتين بيتهم)
وركييييييييييييييييض عالدرج ....... باب البيت الداخلي ...... الحوش ....... وطبعآ ماتتعطل وهي تركض ....... لبست العبايه والنقاب والشنطه ....وووووووووأخيرآ باب البيت
طلعت الشيخه إلا الباص واقف وبكل هدوء ورزانه ركبت وعلى طووووول وبدون تردد توجهت سويحره (عيارتها) ولقبها (البرتقاله.....أبو ملوح) لصديقاتها ..... هم دائمآ يحتلون الأربع كراسي إلي بالأخير
أشرتلها ندى تجلس بجنبها ...... والمتواجدون كانوا كاالتالي
الريم ولقبها (الدلوعه.... أم ناصر .... تموت عاالقهوه وماتمشي إلا بدلتها) نورة وألقابها(بطه ....dak..... ليمونه) ندى ولقبها( أبو عذاب....عجوز خيبر) تغريد ولقبها (هيفا وهبي الخليج) سمر ولقبها ( العسل) في حالها ماتأذي أحد
ساره بعد ماجلست:ياصباح الخير يأحلى من الحلا
ياحلا صبحي لاأنور بوجيه الغلا
شخباركم وحشتوني يابعد طوايف أهلي كلهم
ندى : هلا والله بالorangah وحشتيييييييييييييييييييييني أخيرآ رجعتوا مايسوى علينا هاالبر
الريم : هلا باالغلا شحالش إنشاءالله إستانستوا
ساره: الحمدلله
نوره وتغريد وسمر: شخبارك السوري
ساره: بخير يامال الخير
نوره : سارونتي تبين زعتر ولا سبانخ مع الحليب( نوره الأم الروحيه للشله وهي المسؤله الأولى عن تغذيتهم ....ياحلوها فديتها ..... إذا كانت صاحيه بدري وخالصه تطلب فطاير للشله وتسويلهم ترمس حليب ..... وإذا كانت مروقه تسوي ذاك الحلا ..... شييييييييييييييء ...... وطبعآ باالتنسيق مع خبيرة القهوه ..الريم.... )
ساره: فديتها أنا ماما تيريزا بصراحه المفروض نخليك سفيره للنوايا الحسنه عشان تقضين على المجاعات في العالم
نوره بنص عين: تتطنزين حضرتك
ساره: حشى والحشا عن ألف يمين أنا جالسه أمدحك وأقول لوفي زيك ثنتين بهاالدنيا كان مافيه شيء إسمه مجااااااااااااعه يالبى قلبك حنونه وإذا عن سؤالك أبي سبانخ
ندى: إي عجل هذا إلي يسمونه مدحه بردحه ( يعني مدح مبطن باالذم)
ساره: لالالا يا إخوي ياأبوعذاب تراك فاهم الموضوع غلط
وبسطوا حظراتهم باالجلسه يفطرون ماتقولون إلا بسطة بسوق الحريم (طبعآ باص أبوهم إلي جابهم)
إحم إحم نسيت أقولكم إسم سواق الباص بشير ولقبه ( مناحي بن مطلق .... والسائق المتهور ....بسبب سرعته المجنونه)
وجلسوا سوالف وضحك...... ووين رحتوا.......... ووين جيتوا.................. ومن جاكم ومن لفاكم
لين وصلوا للكليه ( كلية البنات للآداب والعلوم باالدمام)


الساعه ال7:30 صباحآ

أول مادخلوا البنات من البوابه (بوابة الباصات)
كل وحده تضم الثانيه ...... وحشتيني ....... فقدتك ..... ياالقاطعه ..... والله إنشغلت ..... مالك عذر.... وين تلفونك ..... ماعندي رصيد ..... مافي شبكه .... وقضوا نص الوقت.... سلام .... وعتاب ....وملام .... وكملت برباب ههههه.... بعد سلامهم
طبعآ على طوووووووووووول وبدون تفكيييييييييييييييير للحمــــــــــــــــــــام عشان يرتبون أنفسهم

هذي ترسم الكحل من جهه ....... وهذي تحط بلاشر ...... (هم يسمون البلاشر ..... ششر .... كإستعباط وهو من الألفاظ الشهيره في قاموس الشله ... المشتله) ..... هذي تلبس إكسسواراتها .....و هذي تحط آي شدو على عيونها

وهذي تستشور بهاالشعر .........( بتستغربون هذي من وين جايبه الإستشوار... أكيد من البيت ...... هههه غلط.... تعرفون مجففات اليد إلي تجففون فيها أياديكم بعد ماتغسلون....ياطويلين العمر ..... هذا هو إستشوار بنات الكليه..... خلاص عرفتوا .... سر نعومة الشعر ..... وخصوصآ أيام الحر......بس خلوه سر بينا ......ok)بعد ماخلصوا الساعه ال8 صباحآ والمحاظرات تبدى الساعه 8:15

مروا على المكتبه رقم 1 ( هاالمكتبه فيها كل مايطرا على بالكم من كتب .... دفاتر .... أقلام .....بطاقات ...... مكياج .....عطور...... ملابس.... إكسسوارات .... شنط .... هدايا ......ألعاب....... جزم وإنتوا بكرامه....... ورود.... بإختصار سوق متكامل)

دارو وبدت الأسئله

كم هذا ...... وش الألوان .....هاالسلسله فيه حرف N ........ فيه خمريه للجسم (خلطه).... مافي بطاقه كذا ...... رويني ألوان التغليف للهديه ...... فيه عطر دلع بنات (من زهور الريف)........... وش درجات الكريم أساس........... إلخ

وباالنهايه طلعوا وهم ماشروا إلا أشياء بسيطه

دخلوا الصاله وكانت الساعه 8:20 دقيقه ( وطبعآ الحبايب بما إنه أول يوم قرروا مايحظرون المحاظره الأولى)

وهم ماشين ومتجهين لل لوكر (الدرج حقهم) صدمت فيهم وحده مشوووووووته

البنت وهي متخلبصه ( يعني متكركبه): آسفه ماكنت أقصد .... أنا مستعجله ...أخاف تفوتني المحاظره ....
البنات : لاعادي
ومشت شوي بعدين رجعتلهم ...
البنت وهي منحرجه: إذا سمحتوا ممكن سؤال
البنات : تفضلي
البنت متردده : إنتوا سنه أولى
البنات : لا إحنا كلنا سنه ثانيه وهذي (يأشرون على ندى) ثالثه
البنت وهي مبتهجه: عجل أكيد تعرفون وين قسم علوم 1 ...... مبنى B .....قاعه 36
البنات : إي إمشي من هنا ... وإطلعي مع الباب ..... إمشي سييييييييييده بتلقين مبنى كفيتريا علوم .......المبنى إلي بجنبه إدخليه .......وإطلعي الدور الثاني...... أول باب روحي يسار
البنت داخت من المعلومات : أأمم ماأدل باالكليه شيء أنا سنه أولى وتوني جايه هاالترم من الرياض
البنات : آفا عليك ولا يهمك إحنا باالخدمه تعالي معانا بنوصلك (عاشوا هل الفزعه)
البنت : مشكورين ماتقصرون بتعبكم معي
الريم : لاتعب و لاشيء أنا إسمي مريم ويدلعوني الريم وهاذي ساره ..... ندى..... نوره ...... تغريد سمر ..... وحياك الله دوم
البنت : وأنا إسمي إبتسام
البنات : عاشت الأسامي
وخذوا ربعنا البنت ووصلوها إلى مدرجها وكانت الساعه 8:55 دقيقه

بعدها رجعوا للصاله وراحو لدرجهم حطوا أغراضهم ( الشنط والعبايات ) وبعدها جلسو يتمشون باالكليه

ــــــــــــــــــــــــــــــــــــــــــــــــــــــــــــــــــــــــــــــــــــ
الرجوع الى أعلى الصفحة اذهب الى الأسفل
 
رواية أقول أنسى تمر ذكراي 2
الرجوع الى أعلى الصفحة 
صفحة 1 من اصل 1
 مواضيع مماثلة
-
» رواية أقول أنسى تمر ذكراي
» رواية ( حب وسعادة لكن عقب معاناة)
» الجزء الثاني من رواية حب وسعادة عقب معاناة

صلاحيات هذا المنتدى:لاتستطيع الرد على المواضيع في هذا المنتدى
منتديات نايس بلو :: القسم الادبي :: القصص و الروايات-
انتقل الى: