منتديات نايس بلو

منتديات نايس بلو

منتدى عام
 
الرئيسيةاليوميةس .و .جبحـثالأعضاءالمجموعاتالتسجيلدخول
بحـث
 
 

نتائج البحث
 
Rechercher بحث متقدم
المواضيع الأخيرة
» رسميا | جون سينا المرشح الأول للمنافسة على لقب WWE
الإثنين أغسطس 29, 2011 5:17 am من طرف جارح المشاعر

» شائعات حول طرد سين كارا الأصلي (ميستيكو)
الإثنين أغسطس 29, 2011 5:11 am من طرف جارح المشاعر

» جون سينا ضد سي ام بانك
الإثنين أغسطس 29, 2011 5:08 am من طرف جارح المشاعر

» نك نيم للبلاك بيري
الإثنين أغسطس 29, 2011 5:00 am من طرف جارح المشاعر

» برشلونة نادي عريق
الإثنين أغسطس 29, 2011 4:58 am من طرف جارح المشاعر

» نادي بولتلن
الإثنين أغسطس 29, 2011 4:42 am من طرف جارح المشاعر

» نادي بولتلن
الإثنين أغسطس 29, 2011 4:42 am من طرف جارح المشاعر

» مباري الأحد 21 أغسطس 2011ات الدوري الانجليزي
الإثنين أغسطس 29, 2011 4:29 am من طرف جارح المشاعر

» بيتر تايلور
الإثنين أغسطس 29, 2011 4:24 am من طرف جارح المشاعر

معلومات
زوار المنتدى الأن

أفضل 10 أعضاء في هذا المنتدى
غناوي الشوق
 
soso
 
بحر المشاعر
 
جارح المشاعر
 
3zo0ozy
 
MeMo
 
احساس راقي
 
مشاعل والحلى شاعل
 
toto
 
ابونواف
 

شاطر | 
 

 رواية أقول أنسى تمر ذكراي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
غناوي الشوق
نائب المدير العام
نائب المدير العام
avatar

عدد المساهمات : 465
نقاط : 1310
السٌّمعَة : 2
تاريخ التسجيل : 02/11/2009

البطاقة الشخصية
مرئي للجميع: 1

مُساهمةموضوع: رواية أقول أنسى تمر ذكراي   الجمعة ديسمبر 04, 2009 5:00 am

اهلين كيفكم
جبت لكم روايه حلوة واتمنى تعجبكم
اتركم مع روايه اقول انسى تمر ذكراي



السلام عليكم حبيت أشاركم أولى بداياتي فب كتابة القصص الروائيه وأتمنى أن لا تحرموني من آرائكم وملاحظاتكم إعجابكم أو حتى رفضكم لمجريت القصه

إخترت عنوان هذه القصه لأنه عباره عن قصيدة ألم تعبر عن مجريات وأحداث روايتي

سأقوم بتقديم نبذه عن بعض أبطال روايتي و البقيه سيتم ذكرهم في سياق المجريات

ساره:فتاه ممتلئه بالرومنسيه و الإحساس هي جميله لكن خصائله وأخلاقها زادتها رونقا وجمال

مريم : صديقة ساره وكاتمة أسرارها شخصيه طريفه جميله وزاد جمالها لون بشرتها الخمري .

نايف , فاطمه,ندى , في , ضحى ,زيد , مها , سعد , .............. والكثيرين نجوم سطعت في سماء روايتي

هذه الروايه هي باكورة دخولي عالم الروايات والقصص عسى أن تنال إعجابكم
الجزءالأول


قبل عيد الأضحى بيومين الساعه 9 صباحآ


أبو ناصر : ساره حبيبتي إذا تبين تروحين السوق قومي
ساره :هلا بابي صباحك خير ياوجه الخير
أبو ناصر : بتروحين يالله قومي
ساره: بروح لحالي
أبو ناصر: زي ماتعرفين أمك ماتقدر تروح معتس
ساره :أدري بس ماتعودت أروح السوق بروحي بس يالله دامك معي معليه
أبو ناصر: أنا بنزلك وبروح عندي شغل بقضيه وبرجعلك
ساره بشهقة: إحلف بايعني أنت تخليني بالسوق لحالي
أبوناصر: ههه طيب شوفي أحد من البنات يروح معتس
ساره: أكيد نايمين تدري بروح أشوف في أدري ماراح تردني فديتها
أبو ناصر : طيب إستعجلي
ساره طلعت من بيتهم وراحت بيت عمها حمد أبو في الي عنده أربع بنات أكبرهم في وهي بأولى ثنوي

(ساره بنت وحيدة أمها وأبوها من البنات لكن عندها أربع إخوان بسنه أولى كليه
وهم وعمامها السته وعمتها ساكنين جنب بعض يعني البيوت لازقه بعض و محاوطه بنف الجدار وبالوسط حديقه كبير وفيها البيت العود لجدانها وعمها الصغير )

دخلت بيت عمها لقت الشغاله

ساره: where is fai
الشغاله: in the rome
دخلت ساره على في لقتها بسابع غطه
ساره وبصوت هادي : في فيفي حبيبتي قومي
في : هاه سوري شعندتس من صباح الله خير
ساره : آسفه ياعمري بس بغيتس تروحين معي للسوق
في : ليه شعندتس
ساره : ماتشريت للعيد إنشغلت برجعة أمي وأبوي وإخواني
في: طيب لحظه أستأذن من أمي وأرجع

بعد ربع ساعه خلصوا البنات وراحو مجمع الظهران مع أبو ناصر

أبو ناصر: أنا ألحين بروح وبرجع لكم الساعه 11 يكفيكم الوقت
ساره: ماأدري إن شاء الله يكفي
أبو ناصر : فمان الله إنتبهوا لعماركم
ساره: إن شاءالله يالله فيفي
(ساره لابسه عبايه على الراس وبرقع لأنها مقتنه بهاالشي وعاجبها من كانت ب3 متوسط أما في لابسه عباية كتف ومغطيه بغشوتها)
في : السوري والله إني خايفه
ساره: حت أنا أول مره أجي السوق لحالي بدون أحد أكبر مني بس شوفي الناس شوي يعني بس اللي جايين يتقضون خلينا ندخل
في : تصدقين ياحلات السوق بالضحى فاضي
ساره: على طاري الضحى ياويلنا من ضحى
في : هههههههه صدقك لوتدري بتذبحنا
ساره: معليه بتفاهم معها بعدين
(في هذيك الحظه دخلوا من البوابه وكان قدامهم واحد طويل وعريض لابس بنطلون بيجي وتي شيرت أخضر غامق
ساره لا شعوريآ جلست تناظر فيه لأنها كانت تمشي وراه ورغم إنها ماشافت وجهه عدل حست إنها تعرفه

إستغربت ساره إهتمامها بها الشخص لأنه مو من طبعها هالشي يعني إذا شافت حلو تقول ماشاءالله حلو وخلاص ينتهي الموضوع بس هذا حست إنه غير ......
راحت هي وفي بطريق وهالشخص بطريق ثاني )

جلسوا في وساره يتسوقون وهم طالعين من محل stradivarius
في : ساره كأنه فيه أحد يلحقنا
ساره: لا مافيه أحد يتراوالتس
في : إلا شوفي بوشعر طويل كيرلي
ساره: وين . آه شفيه . مالت مسوي شعره كيرلي والله لوإنه على بنت ماظبط كذا كان لقيتيه بعد دقايق خرباااااااااان
في : صدقتي هههههههه تهقين وش الجل الي يستخدمه
ساره: مادري بس يوم سألته قالي weilla gel
في : تتطنزين حضرتك
ساره: أنا أدري عنتس وش دراني بجله
في : شوفي شكل pramodعنده شي حلو
ساره: خلينا ندخل ونشوف

بعد ساعه خلصوا من التسوق وكانت الساعه 10ونص

ساره: فيفي شرايك نروح نفطر والله إني جوعانه
في : حتى أنا خلينا نروح Star Boxes
وهم ماشين شافت ساره ذاك الشاب الي لفت نظرها جالس بالكوفي مع إثنين من الشباب هي لمحته وعلطول عرفت إنه إلي شافته من شوي (لأنه مو من طبعا تناظر بالشباب):S_019
دخلو الكوفي وطلبو لهم (2كابوتشينو و1كرواسون و1 ميني رول)

وطول ماهم جالسين ساره تفكر بالشاب الي شافته وجالس بره
في: ساره شفيك من جلسنا وإنتي سرحانه وين وصلتي لا يكون المريخ
ساره: أخاف اقولك وين وصلت تضحكين علي
في: آفا ماعاش من يضحك عليتس وأن إختك إنتي بس قولي
ساره: شفتي الشاب الي قابلناه عند المدخل و .............:S_023 في : ماأدري ما أتذكر المهم شفيه
ساره: ماأدري بس حاسه إني أعرفه من زمان رغم إني أول مرة أشوفه
في : وينه قلتيلي بره بروح أشوفه
ساره: أقول إنثبري هذا الي ناقص
في : بصراحه هي أول مرة أشوفك تتكلمين عن واحد بهاالشكل
ساره: لا وأزيدك من الشعر بيت أحس إنه بيكون له تأثير بحياتي
في: سويره حبيبتي فيك شي تعبانه واحد ماتعرفينه وأول مرة تشوفينه شلون بيأثر بحياتك
ساره:ماأدري ليه هذإحساسي
في : غريبه
ساره: ماقلتلك بتضحكين علي (بها الحظه يرن تلفون ساره )
ساره: ألـــــــــــــــــــــو
أبوناصر : هايبه خلصتي
ساره: إي فديتك وينك
أبوناصر : ألحين داخل للمواقف
ساره: خلاص ألحين بنطلع لك

من جهه ثانيه نايف جالس مع ربعه

نايف: يالله شباب أستأذنكم أنا ماشي
علي : وين تو الناس
نايف: بروح البيت على بال ماأوصل إلا مأذن الظهر أصلي وأنام شوي
فمان الله
الشباب : فمان الكريم

نايف وهو طالع لمح واحد يقربله فراح يسلم عليه

نايف: هلا أبوناصر شلونك عساك طيب حمدلله على السالمه
أبو ناصر: هلا حيالله نايف الله يسلمك بخير يامال الخير وأنت شخبارك وشخبار أبوك والأهل
نايف: الحمد لله كلهم بخير
أبو ناصر : ها شتسوي هنا
نايف: كنت عند الشباب بالكوفي و أنت متى رجعت من الرياض
أبو ناصر: قبل أمس
نايف: الحمد لله على السلامه عجل شخبار أم ناصر
أبوناصر: بخير ولله الحمد
نايف: سلملي عليها يالله تآمر شي
أبو ناصر: سلمت سلم عالوالد والوالده
نايف: يبلغ . مع السلامه
أبو ناصر: مع السلامه

(أبو ناصر كان مسافر مع أم ناصر الرياض عشان تتعالج وصار لهم شهر ونص هناك ورجعوا قبل يومين للشرقيه عشان يعيدون مع أهلهم وطبعآ زي ماقلت عندهم بنت وهي الكبيره ساره وبعدها ناصر ثالث ثنوي وسعود ثاني متوسط ومشعل ثالث إبتدائي وآخر العنقود فالح سنه و نص وطبعا حمل العيال طاح فوق راس ساره بماإنها الكبيره والبنت الوحيده )

في وساره توهم طالعين من المجمع شافوا سيارة أبوناصر وراحوله

ساره : السلااااااااااااااااااااااااااااااااااام
أبوناصر : وعليكم السلام هاه خلصتوا
ساره: الحمد لله
أبوناصر : وإنتي يا في
في : الحمدلله عمي خلصت

وبعدها إرجعو البيت
الجزء الثاني

قبل ماأبدى بعرفكم ببعض الشخصيات ووصف لشخصيتنا الرئيسيه

أم ناصر إسمها وضحى وهي أم ساره بطلة قصتنا إنسانه طيبه لأقصى درجه حنونه لكنها بعض الأحيان قاسيه على بنتها ودايم كانت هي وساره في نقاش حاد على أي موضوع ودوم فبالها إن بنتها بعدها صغيره وما تفهم مصلحتها لكنها غيرت نظلرتها بعد الي صارلها ( وضحى مو كبيره عملرها تقريب 42 سنه تزوجت محمد أبو ناصر بعد الثنويه وحملت بساره بكرها بعد فتره بسيطه من زواجهم ومحمد عمره 44 سنه خريج جامعة الملك فهد للبترول والمعادن يشتغل بمركز عالي بشركة الكهرباء (سكيكو) رغم إنه مشغول دوم لكنه كان قريب من عياله يحب يعرف كل صغيره وكبيره بحياتهم ومستحيل يمر يوم مايسألهم عن أحوالهم وأماهم ويشجعهم فيه على بناء مستقبلهم قبل شهر ونص تقريبآ تعبت وضحى وتم نقلها للمستشفى وإكتشفوا إنها صابتها جلطه برجلها أدت لقطع الوريد وكانت الجلطه واصله إلى الرئه لكن الأطباء قدروا يسيطرون على الوضع وعمل عمليه إستغوقت 7 ساعات يقدرو فيها ينقذون حياتها لكنها تمت بغيبوبه 3 أيام وأول ماصحت تم نقلها للرياض بواسطة طيارةالإخلاء الطبي لمحاولة علاجها لأن إنقطاع الوريد سببلها عدم القدره على الحركه مايشابه الششلل النصفي طبعآراح معها زوجها محمد وبقوا الأولاد تحت رعاية إختهم ساره و طبعآ عايلتهم كلها كانت تساندها بها الشي )

ساره بنت طولها مقبول بيضا ناعمه حيل عيونها صغار بس وساع وسود خشمها طويل شفايفها صغار وورديه وجها مدور عندها غمازه وحده بخدها اليمين وحبتة خال صغيره تحت شفتها من جهة اليمين شعرها بني قصير حد كتوفها بإختصار (نعووووووومه وجمالها هادي )
شخصيتها : خجوله, مرحه , ذكيه , عاقله ورزينه, قويه وبنفس الوقت حساسه ,واقعيه بشكل كبير بس لها خقات رومنسيه , المخططه رقم واحد للشله , أفكارها جهنميه ,متواضعه , متردده وغامضه , باااارده , شاعره
لكنها ماتعترف بالحب قبل الزواج , ماتحب أحد يمسك عليه الزله أو يفكر ينتقد كريقة تربيتها.

مريم ودلعها الريم طويله ونحيفه عيونها سود لوزيه ووساع خشمها طويل شفايفها شوي وساع وجها دائري بشرتها سمره (جميله جمال دافي وأحلى مافيها لونها الخمري)
شخصيتها: حساسه ,رقيقه ,رومنسيه , متفائله, مرحه , واثقه من نفسها , حنونه ,جذابه , خياليه , وأيضآ شاعره
ــــــــــــــــــــــــــــــــــــــــــــــــــــــــــــــــــــــــــ
أول يوم العيد الساعه 7 صباحآ

أم ناصر : حبيبتي ساره يالله قومي عمامك يسألون عنتس
ساره:صباح الورد كل عام وإنتي بخير
أم ناصر:وإنتي بخير إن شاءالله
ساره : دقايق بس وأروح لهم إنتي شخبارتس تحسين شي يوجعتس
أم ناصر: مافيني إلا العافيه يمه دامني حولكم
ساره: الله يعطيتس الصحه والعافيه يمه
أم ناصر: لاتتأخرين أدري يبيلتس وقت تتجهزين
ساره: من قال كلها ربع ساعه وأكون عندكم

بعد ربع ساعه بالظبط طلعة ساره من غرفتها وراحت تسلم على أبوها بغرفته

ساره: صباح الخير يبه عيدك مبارك
أبوناصر : من العايدين السعيدن يابنتي السنه وكل سنه سمي ياقلب أبوتس العيديه
ساره: جعلني ماخلا منك يالغلا فديت قلبك
طلعت ساره من فلتهم وراحت صوب البيت العود بيت جدانها أول ما دخلت لقت جدتها أم فهد سلمت عليها وعايدتها إلا بدخلة جدها وعمامها من المجلس فزت وتسلم عليهم وتعايدهم وكانت ماشءالله عليها كاشخه من قلب لابسه بلوزه فسفوريه وتنوره كسرات بتروليه وحاطه ميك أب بترولي و روج بيج فاتح وعلى قولت من شافها قال (جرح)
وطبعافرحتها كبيره وخصوصآ بوجود أمها وأبوها لأنها ماتتخيل العيد بدون وجودهم

الساعه 12 الظهر

ساره تتصل بنت خالتها وتوأمها مشاعل بقطر

ساره : ألـــــــــــــــــو أحلى ألو لأغلى وأجمل ميمي بعمري أنا
مشاعل: كل عام وإنتي بخير
ساره: آفا سبقتيني عالعموم وإنتي بخير
مشاعل : هههههه شخبارتس حبيبتي
ساره : بخير دام الغلا بخير شاللعلوم
مشاعل:بخير إنتي شالعلوم
ساره: ماشي متى بتجون
مشاعل : بكره إذا الله راد
ساره : الله ونااااااااااااااااسه بتنور الشرقيه
مشاعل : ههه بوجودكم
ساره : طيب يالا مع السلاطه
مشاعل : حشى تو الناس ماأمدانا نتكلم
ساره : لالا تكلمنا وبعدين بكره بشوفتس ماله داعي أصرف مكالمات دوليه
مشاعل : كأن قحطه الي يكلمني مو سويره
ساره : بسم الله علي بس تدرين بكلم باقي الصبايا وبعدين كالعادة الغدا عندنا
مشاعل : OK. مع السلامه
ساره : مع السلااااااااااااااااطه

بعد ماسكرت ساره من مشاعل إتصلت على طبقتها الريم

ساره: عيدتس مبارك
الريم : بسم الله سلمي أول وبعدين عايدي وإنتي بخير
ساره :خفت تسبقيني السلااااااااااااام عليكم
الريم : وعليكم السلام شوي شوي لا ينطلش عرق ولا طيح براطمش و نتوهق فيش
ساره: أعوذ بالله قل أعوذ برب الفلق
الريم : وع وأنا شبي فيش أحسدش عيوني تراني الريم
ساره: أدري شيخة الحريم مشكلة الغرور
الريم: هذي مش غرور هذي ثقه بالنفس
ساره: خلاص يابوتس المهم شالأخبار والعلوم يومين مالتس حس
الريم : أبدحبيبتي بس إنشغلت شوي تدرين عيد
ساره : خوفتيني قلت لا يكون فيهاشي
الريم : لا أبد لا شي ولا شياته إنتي شعلومش وشعلوم البنات ندى وهاجر وهيوف وإلى آخر القائمه
ساره : بسملله علينا من عينتس خليتينا قائمه مره وحده
الريم : أولا عيني بارده
ثانيا إحنا كثار وحلقة الوصل الرئيسيه إنتي مارديتي شخبارهم
ساره : أدري فديت عمري ما تستغنون عني ويسرج حالهم كلهم طيبين وأمس أنا وندوش سوالف لين 2
الريم : وأنا أقول من قمت ماعندي سوالف أتاريكن سحبتوا سوالف خلق الله كلها عيب عليكم رجعوها يالله
ساره: هههههه الإعاده خربانه
الريم : لا حلفي إنتي بس كر كر كر كر
ساره : طيب حبيبتي أكلمك بعدين لأنه جاوونا ضيوف تدرين غدا العيد عندنا كالعادة
الريم : OK مع السلاطه وذاكري زين تدرين بعد العيد إختبارات
ساره:OK مع السلاطه لا توصين إهتمي بعمرتس باااااش

بعد إجازة العيد وعودة البنات للدوام وربكة الإختبارات

يوم الأربعاء آخر يوم إختبار

ساره : آه يالريم لو تدرين شصارلي بعطلة العيد
الريم : صح ذكرتيني قلتيلي بقولك سالفه وجها لوجه يالله بسرعه قوليها
ساره : إنتي أقرب وحده لي يالريم والموضوع الي بقوله لك كل ماقلته لأحد يضحك
الريم:ليه الموضوع لهدرجه يضحك
ساره : لآ بس هو غريب شوي
الريم: ما غريب إلا الشيطان قولي
ساره : قبل العيد بيومين رحت السوق أنا وفي
الريم : أدري ماله داعي المقدمات أبي السالفه وبسرعه
ساره: شوي شوي علي كلتيني خليني أكمل
الريم : تفضلي أحد ما سكش
ساره: وإحنا داخلين كان فيه واحد يمشي قدامنا طويل وعريض أول مرة أشوفه ومع كذا حسيت إني أعرفه من زمان
الريم : وأخيرآ تحرك الجبل وتم الإعجاب ( كل الي يعرفون ساره ملقبينها بجبل الثلج لشدة برودها خارجيآ فقط لأن القراب منها حيل مثل الريم ومشاعل وفطوم يعرفون إنها إذا بينت البرود فهي تحترق من داخل )
ساره : أي جبل إنتي وجتس وأي إعجاب
الريم : أي جبل هذا وتأشر على قلب ساره
ساره: إنتي صاحيه أقولك أول مره أشوفه حتى إني ماشفت وجهه زين مجرد لمحه سريعه والي مجنني أحس إنه بيكون له دور بحياتي
الريم: شلون يعني بيكون له دور بحياتش
ساره :ماأدري. لا والأغرب إني قمت أراقبه وين يروح وأدورعليه تخيلي وبعدين رحنا الكوفي لقيته جالس هناك حسيت براحه ولما طلعنا جلست أدور بعيوني ومالقيته حسيت إني فقدت شي عزيز علي ومن ذاك اليوم وأناأفكربهالإنسان والشعور الي حسيته حت إني كتبت بهاالموقف قصيدة
الريم : هذا يالسوري يسمونه حب
ساره: أي حب وأي خرابيط إنتي عارفه رايي بهالموضوع يس يمكن على قولتك مجرد إعجاب عادي وإنقضى
الريم: يمكن . إلا ماقلتيلي شخبار أمك وأبوك مشو للرياض
ساره: إي أمس من العصر . الله يصبرني ويعيني تصدقين فالح أمس جنني بالصياح وماهدى لين خذاه ناصر للسوبر ماركت الظاهر من شاف الحلويات سكت
الريم حست إن ساره تضايقت لما تذكرت هالموضوع فحبت تغيره) إلا ماسمعتيني القصيده
ساره : ماطلبتي قصيدتي تقول

ربي كتب إنا بلحظه نجتمع
نفس المكان
نفس الزمان
صدفه غريبه نجمها صدفه لمع
تحمل معان
هزت كيان
مابه دروب في طريقه تجتمع
تعزف كمان
دمعن زمان
بلل أماني من خفوق يمتنع
لحظه أمان
يلقا حنان
من نصفه الي بخياله يستمع
أفكاره تبحث في تفان
أنه حزينه بهالمكان
يمكن تراضيبه الزمان
ويلقى قلب من خفوقه تنصمع
(رحله ألم)

ساره : وسلامتس
الريم : صح لسانش
ساره : صح بدنتس . إلا ماقلتيلي شخبار أممم ..... زيد ........
الريم : آه ياالسوري لاعاد تجيبينلي طاريه
ساره: ليه شصار علميني
الريم : يكفي إنه السبب في إني غلطت وملت عن الطريق الصح
ساره :ليه شسويتي إنطقي
الريم: بقولك بس إوعديني إنك ماتزعلين مني لأني ماقتلش من قبل
ساره :خرعتيني قولي
الريم:أنا لي فتره أرسله مسجات كاتبه فيها قصايدي وأحاسيسي صوبه وكنت أرسلها بشكل ملاحظات ماكنت عارفه إنه بيطلعله رقمي ولما عرفت وقفت ومحيت رقمه وقلت خلاص أنا لآزم أبعد و أنساه
ساره: يعني كنتي ترسلينله بس مسجات
الريم : (بتردد) وكنت أتصل و
تقاطعها ساره بدهشه : كلمتيه
الريم بصرخه : لآلآلآلآلآلآلآلآلآلآلآلآلآلآلالا بس كنت أسمعه مقاطع من أغاني مختارتها بس هذا كل شي أدري غلطت وأنا ندمانه
ساره : بس أشوى على بالي الموضوع أكبر من كذا بس خلاص إنسي الموضوع هذي غلطه وإن شاء الله ماتتكرر وإنتي حبك له هو الي خلاك تسوين هالأشياء
الريم : أدري بس المصيبه إنه هو قام يرسلي مسجات يسألني فيها من أكون ويقولي إنتي جننتيني وشلغتي تفكيري وصار يتصل وأنا ماأرد عليه
ساره : لا يكون هو الي كان دايم يدق ويزعجك وإنتي ماتردين وتعطينه رفض
الريم : إي هو . تصدقين بالعيد غير رقمه وأرسلي مسج يباركلي بالعيد منرقمه الجديد و كاتب فيه أنا زيد وهذا رقمي الجديد وترجاني أرد عليه
ساره :هههههههه شكلك جد ذبحتيه . مالومه لو أنا كنت مكانه كان جنيت من التفكير تلقيني طالعه نازله مين وليه كل هالقصايد
أكيد تحبني هذي قصايد متعذب بالهوى
الريم :صدقتي والله إني متعذبه بهواه
ساره : يكفي يقرا بيت من قصايدك ينجن إلا ماقلتيلي شرسلتيله من قصايدك
الريم : أرسلتله طلبتك لا تخليني و رحله في سراب الأمس وأنا عاشق
ساره : آآآآآآآآآآآآآه أرسلتيله طلبتك خلاااااص أنا أضمنلك إنه ذاب
(بقولكم منها مقطع لأنها من كتابات طبقتي الدلوعه

توديني تحبيني تعزيني طلبتك لا تخليني
دخيلك يالغرام الي تبعثر في شراييني
أنا هايم أحبك حيل وبعدي عنك يأذيني
أنا أعرفك قويه حيل طلبتك لاتهينيني
وإعذروني ما أقدر أكمل لأني ماأستئذنت منها بنشر هالقصيده )

الريم :هههه تصدقين بعدها أرسلي يسألني إنتي مين وش تبين فيني وليه ماتردين علي
ساره : ووش رديتي عليه
الريم : أرسلتله هالمسج وكان آخر رساله بعدها وقفت
سؤالك يالغلا جوابه سؤال يراودني
أعيشه بحساسي ونفس الشوق يداعبني
تحاورني نجوم الليل وهموم الليل تكسيني
سكونه صمت وصمته كلام يلعثمني
حروف إنرسم فيها جمال الكون وترسمني
على شاطيء البحر هايج وأمواجه تلاطمني
يمين ويسار وعلى كيفه يحاكمني
أعيش الحب وجنونه وموتي فيك يهددني
غرامك يالغلا خلا كلام الحب يغشاني
وعلى شاطيء البحر تايه مع الأحزان ينساني
ماأدري ليه أحس إني أحبك وأنت تهواني
طلبتك لا تشتكي حبي لأنه يجازيني بنكراني
عشقتك بكل مافيني وجزاتيمنك هجراني
أنامأعرف إحساسي وبدونك ضاع برهاني
سؤالك لوتبي منه جواب أنت تهواني (الدلوعه)
أرجوك إنساني وإمسح رقمي من تلفونك أنا ماني من البنات الي فبالك أناكانت لي أحاسيس ومشاعر صوبك وكنت أبي أمحيك من حياتي وعشان أمحيك كانت لازم توصلك عشان تنمحي من بالي
ساره : ورد عليها
الريم : إلا حرق تلفوني بالإتصالات والمسجات وأنا ماأرد عليه
ساره طيب جاوبيني بصراحه إنتي تبينه
الريم : هالكلام مامنه فايده لأنه مستحيل يصير
ساره : إنتي ماعليك ألحين جاوبيني تبينه
الريم : أبيه وأحبه والله الشاهد
ساره : خلاص نجيبه لك ولحد بابك
الريم : لا حلفي إنتي تتطنزين
ساره :حشى علي ماأتطنز إنتي قلتي تبينه وأناقلت بحيبه لك
الريم: لا وشلون ياحضرة الإستاذه ساره
ساره:صديه وبيجيك
الريم : شلون أصده وأنا مابيني وبينه شي بعدين هو مايعرف إني أنا الي أرسله
ساره : ومن قالك إنه مايدري ولا يعرفك
الريم : شقصدك قصدك إنه عرفني
ساره : طبعا عرفك حبيبتي هذا ولد و إذا بغا يعرف شي بيعرفه الريم : لالالالالالالالا تقولين تصدقين يوم العيد جا يسلم على أمي وجدتي ولف علي وسلم وحسيت سلامه غريب
ساره : شلون غريب
الريم: مأدري بس حسيته يتأملني يفكر بشي وهويناظرني
ساره: ماقلتلك واضح إنه شاك فيك
الريم: وش الي خلاك تقولين هالشي
ساره: أولا إنتي أرسلتي على رقمه وفي رسايلك كنتي تكتبين إسمه وتذكرين القصيده الي كتبتيها لما كنتوا رايحين مع عيلتكم مكه وهو كان معكم إنتي أرسلتيها له صح
الريم : صح
ساره : خلاص هو جمعكل هالأشياء فباله وعرف إنها وحده من بنات العايله وألحين تلقينه يدور يبي يعرف منهي البنت
الريم : ياويلي لويدرون خوالي والله لايقصبوني
ساره : محد راح يدري غير كذا شكله تعلق فيك ويبي يعرف من أنتي
الريم : طيب إذا عرفني سبيصير
ساره:الي بعده عاد بيدك إنتي تجيبينه أوتبعدينه
الريم : إلا بجيبه بس علميني شسوي
ساره : هذي بسيطه بس الصعوبه بالتنفيذ شوفي أول ماتشوفينه سوي ..................
الجزء الثالث


بعد يومين من الإختبارات وبداية عطلة الربيع

ساره وأهلهم وقرابتهم طالعين البر

في الطريق ساره تسولف مع ندى بالتلفون

ساره : والله نوش ليتك معنى صدقيني بتستانسين أوه لحظه ريومي غالخط خليني أشبكها معنا
هلا والله بالغلا وتاج الحلا يامرحبا ترحيبت كلهل لش يوم إستهلت وأمطرت في سماعش مرحبتين كباااااااااااااااااااااااار
الريم : بالمهلي والمهلي مايولي
ندى : وأنا مالي تراحيب
الريم : آفا إنتي التراحيب كلها حقش هذا حق من حقوقش الشرعيه
ساره: ههههههه والله إني بشتاقلكم وبفقدكم سيروا علينا في مضارب بني عبس
ندى : صراحه ماتخيل نفسي طالعه البر
ساره : أنا أبي أعرف إنتوا ليه ماتحبون تطلعون البر والله وناااااسه
الريم: أنا عني أموت بالبر بس هالسنه ماراح نطلع عشان زواج ولد عمي
الريم : عاد أنا ماأحب البر ولا أدري شلون تتحملون تجلسون هناك بالإسبوعين والثلاثه
ساره : يابوتس بدو مانقدر نعيش بعيد عن البر يصير فينا شي بعدين
ندى : بسمله عليكم فديت البدو كلهم
الريم: أصلآ أناموتي البدو بس لا تعلمين أحد
ساره : فديتكم يالبى قلوبكم يلوموني بعشقم الناس مادروا إنتوا بعروقي
ندى : ياويلي ياسويره والله أموت بكلامك تجيبين كلمات حلوه
ساره : ياجعلني أفداتس يابعدي والله
الريم : إلا سارونتي مشاعل طالعه معكم السنه
ساره وبكل فرحه: إيه طالعين وبيوصلون من قطر بعد شوي إن شاء الله
ندى : عجل عزالله رحنا وطي وبيغطينا التراب ترى من لقى أحبابه نسى أصحابه
ساره : حرام عليك ليش تقولين كذا معقوله أنا أنسى ندوش وريومي أصلا إنتوا على البال والخاطر دوم مهوب يوم ياالملسونه
ندى : ههههه أدري حبيبتي بس حبيت أغايضك سلميلي على مشاعل وضحى وفي
ساره :يبلغ إن شاءالله
ندى : يالله حبيبتي فمان الله
الريم: أنا بعد بصكر فمان الله
ساره: والله إنكم بايخات توالناس ماشبعت من سوالفكم بعدين مابعد نوصل عالأقل لين أوصل سولفوا معي
ندى: عاد بسك لنا ساعه نقرقر وماشبعتي
ساره: ياويل حالي فيه أحد يشبع من روحه
الريم : حلفي بس ندوش وأنا وين رحت
ساره:يالبى قلبتس إنتوا الثنتين روحي ياروحي
الريم : زين على بالي قطيتيني درام بعد تسوينها
ساره : أصلا إنتي درام مايسع غلاتس لاتخافين لتس درامين وسط قلبي
الريم : ههههه فديتش يالله مع السلاطه
ساره: مع السلااااطه سلميلي عالوالده وإنتي ندوش سلميلي على طمطومة قلبي
ندى : يوصل إنتبهي على نفسك مع السلااااااطه
ساره : الله يحفظكم مع السلااااطه
(ساره كانت راكبه مع خوالها لأنه زي ماتعرفون إمها وإبوها موموجودين والي يسوق كان أصغر خوالها مبارك وهي تحبه وتعزه حيل لأنه أقرب إنسان لها حتى من إبوها)

مبارك : أقول السوري زهقت من الراديو خاطري أسمع أم محمد وفرقتها (هو يقصد ساره والشله بنات العائله الكريمه)
ساره: ماطلبت شيء إنت تامر أمر يالله صبايا (وجلست ساره تغني وطق وبنات خوالها يصفقون .... ترى صوتها حلو)
ساره: تغني ( من أغلا ناسي... من اغلا ناسي ياروحي كله صار من أغلا ناسي ....شلته على راسي ....حبهم عمروالله شلته على راسي... جازاني بنيه هجر وأنا الي ضيعت العمر... هم ضيعوني... هم ضيعوني مانمت لحظه بليل هم ضيعوني... لا تعذبوني .... حافتكم بالله لا تعذبوني ... لاتسألوني ... لاتسألوني عن دمعتي البلعين لاتسألوني ....مشكلتي ماعندي صبر ... ماأقدر لحظه أنتظر .... دمعي بعيوني هم السبب والله بدمعي بعيوني..... حق الشماته صدقوني قلبي صار حق الشماته ....آه ياغلاته محبوبي الي راح آه ياغلاته....ساكت صابر وأستمع.... أصبر وأكف من الدمع .... دمعة عيوني ... دمعي بعيوني هم السبب والله بدمعي بعيوني )

ـــــــــــــــــــــــــــــــــــــــــــــــــــــــــــــــــــــــــــــــــــــــ

اليوم الثاني الساعه 6ونص

في : السوري يالله قومي حلاته نقوم من الصبح
ساره : شوي بس خلوني نايمه دقايق
شيخه : لا قومي يالله خلينا نفطر سوى بعدين نروح نتمشى
ساره : معليه روحوا إنتوا وأنا بعدين بلحقكم
مشاعل : حشى والله ماأخطي مكان من دونتس
ساره : ياحبنيلها هالبنت ياناس أحبها والله أعشقها هالبنت لاتلوموني بمحبتها
في وشيخه والبنات : لا والله حلفي إنتي بس يعني حنا الطرطنقيه
ساره : لا حبايبي إنتوا البدي جارد
في وشيخه يأشرون للبنات وبوقت واحد : هجووووووووووووووووم
وطاحو ضرب وتكفيخ بساره ومشاعل وبعدين إنحاشوا
ساره :أوريكم خلوني بس أغسل وجهي وأصيدكم بتعرفون إن الله حق
مشاعل: هههههه يالله يالغيره بس ماعليتس أنا معتس بنعلمهم السنع

بعد ماتغسلت ساره وغيرت البجامه سمعت صوت البنات راجعين من تمشيتهم وتروح هي ومشاعل وينخشون عنهم ورى الخيمه وإستنتهم لين دخلوا بعدها صكوا باب الخيمه وبدت الحرب العالميه الثالثه ههههههههه
بعد ماخذوا ساره ومشاعل حقهم ركضوا ينحاشون وهم ميتين ضحك على أشكال البنات وراحت كل وحده فيهم تنخش بمكان
مشاعل راحت مجلس الحريم عند العجايز لأنها عارفه إنهم ماراح يقدرون يسونلها شي وهي في حماية كباريه العايله


أما سارونه راحت المطبخ عشان تفطر الحبيبه ماعليها إلا من بطنها ماكلت شي من قامت

توها سارونه تاكل بالساندويتش إلا واحد يتنحنح بيدخل المطبخ وأول ماسمعت الصوت حاولت تهرب بسرعه لأنها ماهي لابسه غير وشاح ملون متحجبه فيه طبعا ومن الروع غصت
.......: صحه صحه
ساره: بعد ما تغطت صح بدنك
......: إعذريني إختي بس حبيت آخذ فطور الشباب للمجلس
ساره : خلاص إخوي إنت روح ألحين وبخلي الخدامات يجيبون لكم الفطور
.......: مشكوره وطلع

( هذا المطبخ تحضيري ومكانه قريب من مخيم الحريم لأنهم فاصلين بين مخيم الرجال والحريم بشراع عشان كذا البنات ماخذين راحتهم .... وهالمطبخ موجود فيه كل شي الفرن (بالغاز) والثلاجه وأي شيء يخطر ببالكم من أغراض المطبخ بس هو للأشياء الخفيفه أما الغدا وهالشغلات بالمطبخ الرئيسي جهة مخيم الرجال وفيه طباخ)


أنا بوصفلكم المخيم (زي ماقلت المخيم جزئين مفصولين بشراع مخيم الحريم 11 خيمه خيمةللمجلس وحده للقعده فيها كل شيء الكيرم , التلفزيون , ..... حتى توصيلة الإستشوار ... والمطبخ التحضيري ومجلس الضيوف وخيمه للأكل و6 خيم للنوم
مخيم الشباب 7خيم وحده للمجلس وحده للقعده وحده لقعدة الشباب وبيت الشعر وحده للأكل و3 للنوم
طبعا غير الحمامات الجاهزه ( التركيب)

وناسة الطلعه صح دلع ورفاهيه هالعايله فيها شي حلو إذا بيطلعون مكان يونسون نفسهم قد مايقدرون على قولة أبو ساره ... إذا بيدك توسع صدرك ليه تضيق على نفسك ... وفيه شي وراثي بهالعايله بعد خفة الدم ووساعة الصدر كأن دمهم مخلوط بعسل

نرجع لساره طبعا هي ماإنتبهت للي دخل المطبخ لأنها من زود الإحراج كانت معطيته ظهرها


بعد الغدا الساعه 3و نص العصر

ساره : يالله صبايا خلونا نطلع نتمشى شوي
البنات : يالله سرينا ....( طبعا الطلعه ماتخلى من المكملات المسجل والأشرطه والحلويات)

وهم يتمشون إلتفتت في للمخيم : بنات ماكنا بعدنا شوي
ساره : طيب عادي كلها كم خطوه
ضحى : صدقها سارونه مابعدنا لذيك الدرجه
بشاير : طيب ياحلوين خلونا نجلس هنا
بعد ما جلسوا

ساره: شرايكم نلعب لعبه
نورة : وش هي اللعبه
ساره: مممم الصراحه
في : طيب عن إيش نتكلم فيها
ساره : عن أي شي مثلآ كل وحده تسأل الثانيه سؤال والثانيه تجاوبها بكل صراحه
مي : خلاص أنا ببتدي وسؤالي لريم ونوف
ساره: مايصير ثنتيت بنفس الوقت
مي :لاعادي أصلآ هو نفس السؤال بعدين هم خوات
ريم ونوف : طيب إسئلي
مي: شرايكم بطلعة البر بماإنكم ماطلعتوا معنا من زمان من وفاة المرحوم عبدالله يعني تقريبآ من ثلاث سنين
ريم: أنا بجاوبك ... ماتتخيلين شكثر وناستنا بجمعتنا مره ثانيه وطلعتنا معكم البر من زمان وإحنى نتمنى يجي اليوم الي نرجع نطلع فيه معكم بس تعب الوالده من بعد وفاة المرحوم ماخلالنا مجال
ساره :حتى إحنا دايم كنا نتمنى نرجع نطلع كلنا مع بعض زي زمان ودوم كنا فاقدينكم
نوف: عجل إحنا وش نقول كانوا كل سنه أبوي وأخواني يودنا الكويت ويجون يجلسون هنا هالكم يوم الي نقعد فيها عند خالتي لأنهم مايبون يضايقون أمي خصوصآ إن وفاة عبالله الله يرحمه كانت وهو راجع من طريق المخيم وتعالي عاد شوفي شنسوي فيهم لما ندري نولعها حريقه فوق روسهم
ساره ومشاعل : هههههه طيب شلي غير الحال وخلاكم تطلعون معنا السنه
ريم : أمي طال عمرك قالتلهم إنتوا كل مره تطلعون وماتاخذونا مايصير حتى إحنا نبي نطلع مع الجماعه من زمان ماخاويناهم
عاد أنا ونوف ماصدقنالك خبر على طول رحنا وجهزنا الشنط
بشاير:هههههه والله إنكم شيء على طول ماصدقتوا جهزتوا الشنط
ريم : مالت . هذا بدال ماتقولين الحمد لله
بشاير : وليه إن شاءالله
نوف : لأنك تشرفتي بجيتنا
البنات :ههههههه طبعآ لنا الشرف ودي تيجي(بالمصري)

جلسوا البنات سوالف وهذره وكل وحده تغايض بالثانيه وماحسوا بالسيارة الي تقترب منهم
مشاعل :بنات هالسياره ماكنها تقرب منا
شيخه: وين خليني أشوف
في:صدقتي خلونا نرجع للمخيم
عهود: يالله عجلوا خلونا نركض بسرعه للخيام
ساره: إشوي شوي إنتي وياها لايطيح نصكم هذي سيارة خالي مبارك
مي : وش دراك إنها سيارة مبارك
ساره : الحمدلله والشكر ماكنها موقفه عند طرف خيمتنا
ضحى :إي والله هذي سيارة عمي مبارك
عهود: هههههههه تصدقون أشكالنا تموت من الضحك على طول من لمحنا السيارة قمنا نفكر بالشرده
شيخه: ههههه يابوك الشرده نص الرجله بعدين الحياه غاليه ماتدرين يمكن يطلعلنا واحد من هالمخبل المنخشين بالبر
مشاعل : صدقتي الوحده منا لازم تخاف وماتروح مكان بروحها
نورة: زين خلاص سكتوا مبارك جاي صوبنا
عهود:شكلها السياره مليانه شباب

قرب مبارك بالسيارة صوب البنات وفتح الدريشه يكلمهم

مبارك : السلام عليكم حيالله الحلوين
البنات : وعليكم السلام الله يحيك
مبارك : شتسون هنا بعيد عن الخيم
البنات : نتمشى
مشعل : لا والله حلفوا طالعين تتمشون بروحكم لا وبعيد عن المخيم
بشاير إخت مشعل: مافيها شي بعدين مابعدنا كثير عن المخيم
مشعل: يالله أشوف بسرعه إرجعوا
مشاعل : ياخي حرام عليكم خلونا نشم هوى
عبدالله إخو مشاعل : شميتوا هوى وخلصتوا يالله إرجعوا حشى خلصتوا الإكسجين من الجو
ضحى: أبوك يالظلم
مبارك: بس إنت وياه مالكم شغل فيهم ( طبعآ مبارك محبوب الجماهير كل البنات يحبونه ويحترمونه لأنه دوم يدافع عنهم )
ساره: خلاص خالي إحنا ألحين راجعين بس إنت لاتعصب مايسوى عليك تعصب عشان ضبان القايله
مشعل: من الضبان لا يكون إحنا
ساره : والله ماأدري مين الي يطلعون بعز القايلقه يازعم بنروح القنص (ساره ماتطيق مشعل وهو يصير ولد عمها وسبحان الله مشاعر متبادله هو بعد مايطيقها)
مبارك : خلاص فديتس . يالله شباب إنزلوا من السياره
محمد: ليه
مبارك : بركب البنات عشان أوصلهم
محمد : وإحنا شلون نرجع
مبارك :على رجولكم يالله بسرعه
البنات : يعيش مبارك نصير المظلومين

نزلوا الشباب والبنات مستلمينهم مغايض وحره

راحت ساره بتركب قدام جنب خالها إلا وطاحت عينها على الي نزل من المكان
ساره بشهقه : لالالالالالالالالالالالالالا مو معقوله


ممكن طلب ...!
أقدر أحبك لين لحظات الوفاه .....
ممكن رجا....!
أبقى أعزك لين تنسانيالحياه......
ولما تجيب هالطلب....!
بكون عاشق متيم وذايب في هواه..........
ويبقى القدر .....!
إيذكرك قلب ملكته وسكنك في حشاه ...........
(رحلة ألم )

البر
بعد العشاء البنات جالسين بامجلس وطايحن رقص ولعب ووناسه لحد الساعه 2

ساره: إلا بسألكم بنات من الي شفته اليوم وكان راكب جنب خالي بالسياره أول مره أشوفه
ريم: وإنتي ليه تسألين
ساره: فضول بس . لأني أعرف كل عيالنا وما أذكر إني شفته بينهم
عهود :لأنه مش من العايله هذا.........
ساره: ........... غريبه بس أكيد يقربلنا ولا كان شفتي مشيعل إلا بندر مسوين لنا حظر تجول
عهود: ههههه هذا خالي فهد
ساره: خالك .... أول مره أشوفه
مي : قولي كلام غير ده ..... أصلآ هو مطيح عندكم مع بندر ومبارك دوم
ساره: ليه شايفتني السكرتيره عشان أعرف وين ومع مين يروحون
مشاعل :هههههه هععععع تصدقين تخيلت شكلك داعسينك ورا مكتب والملفات مغطيتك وبندر واقف على راسك يهزء
ساره: ههه ماتضحك
مي: يالله بنات خلونا نصلي ونام شوي الساعه 4 ألحين
ساره : لحظه تعالوا مشاعل وشيخه معاي
ضحى : وين بتروحون
ساره: شغله صغيره بنقضيها وبنرجع
في :طيب علمونا
ساره : الصباح رباح إنتي نامي وبكره نقولك

بعد 10 دقايق رجعت ساره مع مشاعل وشيخه وكل وحده فيهم ماسكة بطنها من كثر الضحك

بشاير: والله ياوراكم شيء
نوره: لا وشيء كبير بعد
ساره : يابنات الناس ياخبر بفلوس بكره بلاش
وراحت كل وحده فيهم صلت ونامت ماعدا ساره الي كان تفكيرها بفهد وكيف شافته قبل إسبوعين
(كان باقي يومين وتبدى الإختبارات كانت رايحه السوق هي وخالاتها وبنات خالاتها عشان يتشرون فساتين لزواج خالها مبارك إلي بيصير بعد شهرين تقريبآ)

في مجمع السيتي سنتر بالخبر

ساره : حشى لحد ألجين مالقيت شي دخل مزاجي
ضحى : الله يهديك مش من أول مره تلقين شيء يعجبك
خالتها أم فيصل: يالله يابنات إستعجلوا إمشوا بسرعه مانبي نتأخر ..... (أم فيصل صغيره بالسن عمرها 29 سنه وإسمها نور بس هي تحب ينادونها أم فيصل وهي مش متزوجه لكنها شخصيه مرحه وحبوبه مملوحه حيل والكل يحبها رغم عصبيتها بعض الأحيان )
ساره: حاضرين إنتي بس آمري
في مقهى senepoon بالمجمع
فهد يكلم خويه فيصل: أنت وينك ليه ماجيت تأخرت
فيصل: ماأقدر أجي جايينا ضيوف من الحساء وماأقدر أطلع وأخليهم
فهد: خالاص نشوفك بكره مع السلامه
زيد: ها فهد وين فيصل
فهد: يقول جايينهم ضيوف من الحساء
زيد : ماقالك مين
فهد: لآ ماقالي
(فيصل يقرب لزيد يصيرون عيال خاله وبنفس الوقت فيصل يصير ولد خالة ريم وإخوها بالرضاعه)
راشد:يالله شباب خلونا إنروح نتمشى نتصيد من هالغزلان
سعد : وأنت بس هذا كل تفكيرك
راشد : ياخي خلقة ربك بعد شنسوي مانقدر نعيش بلا نون النسوه
حمد : آه صدقت يارشود (حمد يموت على بنت عمه ويبي يتزوجها لكن أبوها رافض يزوجهم لين تخلص دراستها )
فهد: ههههه والله إنك شي
راشد: طبعآ أعجبك أناخطير ولا أقاوم
سعد: زين يالخطير قم خلنل نمشي
بنفس المجمع
ضحى : ساروووووه أنا خايفه من هالمخبل إلي يلحقونا
ساره : ماعليتس منهم إمشي ولا تناظرين جهتهم ولا تعطينهم وجه بيستحون وبيبعدون
ضحى:أخاف أحد فيهم يتجرأ ويسويلنا شيء
يتبع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
غناوي الشوق
نائب المدير العام
نائب المدير العام
avatar

عدد المساهمات : 465
نقاط : 1310
السٌّمعَة : 2
تاريخ التسجيل : 02/11/2009

البطاقة الشخصية
مرئي للجميع: 1

مُساهمةموضوع: رد: رواية أقول أنسى تمر ذكراي   الجمعة ديسمبر 04, 2009 5:21 am

ساره: يخسون محد يقدر يلمس شعره منتس وأنا معتس أمشي بس خلينا نخلص
من جهه ثانيه
راشد: شوفوا هالثنتين يمشون هناك
سعد: ياأخي إستح على وجهك لاتتحرش ببنات الناس
حمد: ياخي ماسوا شيء هوبس قال شوفوا
راشد:إي والله أنا ماقلت شيء بس والله شكلهم كذا لا وعبي راس بعد ياسلام
فهد: هالبنات شكلهم محترمات ومالهم بالمغازل إبعد عنهم
راشد: كل البنات زي بعض يحبون المديح والتغزل وألحين أثبتلك
..... راحوا راشد وحمد يتقربون من ساره وضحى............

راشد: فديت هالعيون أنا
حمد: آه يارمشك قتلني
راشد: تكفى ياذا الغزال إرحمني
..........فهد وزيد وسعد فاقعين ضحك على خبال راشد وحمد....

ضحى:ياويلي ياسويره يلحقونا
ساره: يابنت قوي حالتس ماعليتس منهم
ضحى: بس أنتي ماسمعتيهم كلامهم محرج
ساره: والله مافيه أحسن من مقولة طنش تعش تنتعش
ضحى: بس أنا ماأعرف أطنش أحس لو حاول يقرب مني بجلس أصيح
ساره:دخيلتس يالرقيقه أمشي بس
راشد إنجن شلون هالبنتين يجطلونه .... لامايصير ماعاش من يجطلني ...وحاول يتقرب من ضحى لأنها الأقرب
راشد:ياحلو عطنا وجه مايصير تطنشنا
...ضحى من الخوف وقفت ماتعرف شتسوي..... ساره إنتبهت و على طول لفت على راشد وعطته ذيك النظره من نظراتها الزينه.... وإسحبت ضحى ومشت .... وقبل ماتمشي لفت عالشباب الي كانوا يضحكون وعطت كل واحد فيهم نظره من الزين خلتهم كل واحد يحس إنه ولا شيء حتى ولا هزولها شعره
وهي تنقل نظراتها بينهم إلتقت عينها بعين واحد طويل وأسمر غصب عنها حست مثل الهزهبداخلها أقل من ثانيه شالت عينها منه ومشت..... أول مابعدت شافت ريان ولدخالتها عمره خمس سنوات شكله كان مضيع مسكته من يده وراحت داخل واحد من المحلات.............
سعد: والله إنك تستاهل ماجاك يارشود
حمد: ياخي نظراتها قويه جمدتني بمكاني
زيد:إي والله هذاوأن ماسويت شيء أحس نظراتها قطعتني كنها سكين بدون ولا كلمه
فهد كان باله بمكان ثاني مع هلبنتين ومنصدم من شوفة ريان معاهم .............. من هاثنتين وليش ريان يروح معهم...........
راشد: عجل أنا شقول ياخي حسيت بقوالب ثلج تطلع من هالعيون
سعد: دواك يالخبل
راشد: معليه أنا وراهم وراهم والزمن طويل
فهد وتوه ينتبه لكلام راشد: ياويلك خلاص خل بنات الناس بحالهم
زيد وهو ملاحظ نبرة فهد العصبيه:بس عاد إعقل يكفي الي صار هالبنات محترمات أنفسهم ومالك حق عليهم ياخي إعتبرهم خواتك بترضى عليهم
راشد: صدقت بس ماشاء الله على أهلهم والله إنهم عرفوا يربون
ياليت كل بناتنا مثلهم الله يهديهم
سعد: الله يهدي الجميع يالله خلونا نطلع نروح القهوة نجلس شوي قبل ماتبدى المباراه
..............وطلعوا الشباب من المجمع .................
ضحى : آه ياقلبي طاح برجولي
ساره: يالخوافه هذا وماصار شي شلون لوصار
ضحى : الله لا قاله بعدين أنا ماني بقويه مثلتس حشى يالنظرة الي عطيتيهم ماتقولين إلا ملكة الثلج يابختك على هالبرود
ساره: ياقلبي لازم ماتبينيلهم إنك خايفه وبنفس الوقت لاتراددينهم خلك واثقه من نفسك وإمشي بتلقينهم مايحاولون يقربونك
أم فيصل :هاه بنات ماعجبكم شيء
ضحى :أنا عجبني الفستان الي عند المصمم اللبناني
ساره : أناماعجبني شي شكلي بفصل
أم فيصل : خلاص خلونا نرجع البيت
ساره طول طريق الرجعه للبيت تفكر بنظرة هذا الشاب لأنها حست فيها بإعجاب , فخر بردة فعلها تجاه الموقف
ساره بخاطرها( ألحين أنا ليش أفكر فيه هو مجرد إنسان غريب أنا ماأعرفه صارلي معاه مقف سخيف وإنتهى على خير

بعد يومين بالكليه( أول يوم إختبارات)
ساره: بنات لوتدرون شصارلي قبل أمس
ندى والريم: شصار قولي يالله
ساره : ياطويلات العمر صار....وصار.........وصار
الريم وبطريقه حالمه:الله وبعدين
ساره: ولاقبلين كلن راح بحال سبيله
ندى: أصلآ كل الشباب متخلفين مايصدقون يلمحون طرف عبايه إلاوعدوة جنون البقر حايشتهم ودكم أحد يمسكهم ويطيح فيهم تكفيخ
ساره والريم: فاقعين ضحك هههههههههههههههه صدقتي

ــــــــــــــــــــــــــــــــــــــ
وعت ساره من سرحانها وجلست تضحك وهي تتذكر موقف ندى ( ندى بنت شخصيتها قويه وواثقه من نفسها لأبعد الحدود تكره شيء إسمه رجال بنظرها الرجال ساس المصايب بهاالدنيا طموحه لآخر درجه ودايم سارة تقولها .... أنا أشك إن إنقراض جنس الرجال بيكون على يدينك ........... وكانت رد ندى دائمآ ياليت) وبعدها ماحست ساره بنفسه إلا وهي بسابع نومه..خ خخخ


الجزء الخامس
بنفس اليوم الساعه 7ونص المسا ببيت الريم

أبومحمد (خال الريم):ياهل البيت
الريم:إقرب خالي حياك
أبومحمد: الله يحييك شحالك ياعيون خالك
الريم:بخير ولله الحمد وإنت خالي شحالك
أبومحمد:بكل خير يابنتي عجل وين أمك وجدتك مالهم حس
الريم:رايحين عند وحدة من الجماعه مربي
أبومحمد:عجل إنتي بروحك بالبيت وين راشد عنك
الريم:خالي راشد طالع مع ربعه والبنات داخل الغرفه يصلون
أبومحمد:ييييييييييه نسيت الرجال بالمجلس
الريم: أي رجال
أبومحمد: زيد ولدسعيدولد عمي
الريم وهي مرتبشه) آها . طيب خالي تآمر بشي
أبومحمد: إيه يابعدي خلي الشغاله تجهز الشاي والقهوه للمجلس إحنا بنروح نصلي وبنجي
الريم: إن شاء الله ...... وراحت وقالت للشغاله وبعدها مثل الصاروخ مسكت تلفونها وإتصلت على ساره
الريم:ألـــــــــــــــــــــــــو مصــــــــــــــــــــــــــر
ساره:ألـــــــــــــــــــــــــــو أيـــــــــــــــوة يالقاهره
الريم:إزايكو عاملين إيه
ساره : كويسين والحمد لله إنتوا إيه الأخبار عندكوا
الريم:وش دراك إن وراي أخبار
ساره: لأنه مامداك تشتاقين لي تونا مالنا ساعه من كلمنا بعض
الريم:مالت عليش وأناالي أقول البنت بتشتاقلي
ساره : ماتشتاقين لظالم المهم وش وراك
الريم:زيـــــــــــــــــــــــــــــــــــــــــــــــــــــــــــد
ساره: عندكم
الريم:آآآآآآآآآآآآآآآآآآآآآآآآآآآآه قلبي
ساره:بسمله على قلبك ياحليلك يازيود وينك من زمان عنك لاحس ولاخبر آخ لوتدري شمسوي بها المسكينه
الريم:إيه ياليته يدري... إن زين قوليلي شسوي هو ألحين راح مع خالي المسجد وبيرجعون بعد شوي
ساره: سلمتي عليه
الريم:لا
ساره: حلو. أول ماتشوفينه داخل مع خالك قومي من المكان على طول وإطلعي بسرعه ولا تعطينه وجه أبد فاهمه
الريم: يعني ماأسلم مايصير
ساره: لالاتسلمين يصير ونص وياويلك لو خليتيه يلمح خشتك البهيه (وجهك)
الريم: كأنك تتطنزين
ساره : حااااااااااااشى والله أحد يقدر يتكلم على جنيفر لوبيز الخليج
الريم:أكرمني الله أنا أزين منها
ساره : وأنا أشهد
الريم:ههههه يالعله من يشهد للعروسه
ساره: شنسوي نرفع من المعنويات شوي
الريم: زين أنا أوريك إلا متى بترجعون
ساره: تو الناس باقيلنا 14 يوم ونصف اليوم
الريم:حشى وذا نص اليوم شبتسوون فيه
ساره: الكثير ياعزيزتي روزاليندا وقريبآ ستعلمين ماسيحدث وأجمل مايحدث هو قنص الجرابيع
الريم: أموت ياللغه القنص للجرابيع عاااااااااااشو بنات ماريا سلستي ههههههههه
ساره: حـــــــــــــــــره مب حاصلتس
الريم: زين كل الي تبينه بيصير يالله خسرتيني مع السلاااااطه
ساره: أيـــــــــواااااا طلع عرق قحطة مع السلااطه
شوق: وش الي بيصير
(شوق بنت خال الريم وتدري إن الريم تحب زيد وهي أكبر من الريم بثلاث سنوات وهي زوجة خالد أخو زيد وهي موجوده ببيت أهلها لنها كانت حامل وسقطت)
الريم: يمه خرعتيني من متى وإنتي هنا
شوق: مالي دقايق من كان عالتلفون ساره
الريم: إي ساره ليه بغيتي شيء
شوق : أبد شخبارها ممممم ترى حبيب القلب عندنا
الريم: (بعبط) أي حبيب وأي زبيب
شوق (وبصوت واطي ) : زيـــــــــــــــــــــــــــــــد
الريم: أدري وخير ياطير
شوق بصدمه : الريم حبيبتي إنتي مريضه
الريم: لا مافيني شي كأني البخت ليش تسألين
شوق: لاأبد ... بس أحس إنك متغيره هالأيام على زيد ماأدري شصاير معك
الريم: تقدرين تقولين صحيت من حلم المراهقه وبديت أفكر عدل
شوق: حلم مراهقه شهالكلام هذا زيد حبيب القلب من سنين وإنتي تحبينه وش غيرك وخلاك تقولين هالكلام
الريم: يمكن حقيقه إنه مستحيل يكون بينا أي رابط وبعدين رجاء هالموضوع ماأبي أي أحد يفتحه معي أنا قفلت الموضوع
شوق وهي مش قادره تستوعب: خلاص لك اللي تبينه
.....راحت شوق عن الريم وهي مصدومه من ريم وطريقة كلامها الي سمعته........
الريموهي فرحانه من الخاطر(قدرت أقنع شوق وهي الأقرب لقلبي من أهلي أكيد بقدر أقنع الباقي هههه ياويلك يازيد ناويتلك نيه سودا هههههههههههه)
طبعآ الريم سوت كل هذا بناء على أوامر ساره هذاك اليوم تذكرون....... ونص الحوار كالتالي
ساره :إسمعي يالريم إحنا نبي نحسس زيد بأنك خلاص يأستي منه وماعاد تبينه
الريم: وشتقولين أنتي أكيد إنهبلتي و جنيتي
ساره : لا حبيبتي لاإنهبلت ولا جنيت وبعدين خليني أكمل كلامي إنتي إذا حسستي زيد إنك فقدتي الأمل منه وبتتركينه فالطبيعي وكما هو المتوقع بينجن وبيحاول المستحيل عشان ترجعينله فهمتي
الريم: فهمت بس كيف بخليه يحس
ساره: بسيطه بإنك تبينين لكل الي حواليك إنك خلاص نسيتيه وإنه مجرد حلم مراهقة وإنتهى وأولهم شوق
الريم: وشمعنى شوق بالذات
ساره: لأنها ياالعبقريه هي أقرب إنسانه لك على إتصال دائم معه لأنها ساكنه بنفس البيت حلو
الريم: حلوين.
بعد ماراحت شوق عن الريم رجعت الريم للصاله لقت الكل جالس وأولهم زيد (ملاحظه)(زيد يصير ولد خالة الريم بالرضاعه وزي ماإنتوا عارفين الريم عايشه مع أمها وخوالها لأن أبوها وأمها منفصلين من قبل ولادتها ولاقتها بعايله أبوها وأبوها نادرة جدآ يعني ماكان بينهم أي علاقات قبل دخولها المرحلة الثانويه وعايلة أبوها تختلف عن عايلة أمها وماكان بينهم أي قرابه)
أول مالمحته على طول رجعت لغرفتها وصكرت الباب وراها
......... الكل إستغرب من تصرفها حتى إنها ماسلمت
زيد بخاطره ( شفيها هذي أعوذبالله حتى السلام ماتسلم بس أكيد شي كايد وقوي حتى إنها ماتهاوشت معي ولا تحرشت فيني كالعاده ههههههه أحسن فكه)
شوق من جهه ثانيه (مو معقول الريم بعد كل هالحب تنسى زيد وتلغيه من حياتها أكيد سوى شيء خلاها تحاول تتناساه......
ياترى شمسوي يازيد ...... معقوله لحد ألحين منت حاس بالريم حرام عليك مرت 10 سنين وإنت زي الحجر ...... صدقني ماراح تلقى زيها لوتلف الكون كله)
ــــــــــــــــــــــــــــــــــــــــــــــــــــــــــــــــــــــــــــــــــــــ
اليوم الثاني (بالبر)
صحوا البنات من النوم وفطروا وبعد ماخلصوا جلسوا يسولفون
ساره: ياصبايا تعرفون الشباب وين رايحين اليوم
مي: لا وين بيروحون
شيخه: بيروحون الصمان (مدينه تقع خلف مدينة النعيريه) وماراح يرجعون إلا المغرب
بشاير: الله ونااااااسه يعني المخيم بيكون خالي
ساره: وبما أنه ماراح يكون أحد من هالخبلان موجود قررنا نحن وحضرة الحكومه الموقرةالمتكونه من جميلات قبيلة ....... أن يكون هذا اليوم يوم ترفيهي وبنفس الوقت إنتقامي
ضحى : ترفيهي وفهمناها بس إنتقامي هذي جديده
مشاعل: ههههه هذا سر خطير وخاص
بشاير: زين علمونا ترانا من الجماعه
ساره: لاحبيبتي السر بنحتفظ فيه لين يصير المخيم أمان
في وهي توها داخله الخيمه: إطمنوا المخيم أمان الشباب توهم ماشين
شيخه: الله ألحين تبدى الونااااسه
طلعت ساره وشيخه ومشاعل من الخيمه بعد ماحلفوا البنات محد يعتب الباب لين ينادونهم
ساره: إطلع وبان عليك الأمان
طلعوا البنات و..................
بشاير بشهقه : هييييييييي ياقواتكم أناأشهد إن مشعل لو درى بيكسر ضلوعكم وحدة وحدة
ضحى: لا وبيسوي منكم شرايح شورما وبيوزعها مجانآ
ساره: يهبى مايقدر يلمس شعرة من وحدة فينا
شيخه: بعدين ماراح يدري هم منقلعين الصمان وماراح يرجعون إلا المغرب قدنا شبعنا منه ورجعناه مكانه لامن شاف ولامن درى
تبون تعرفون وش هالشيء
{ياطويلين العمر ساره وشيخه ومشاعل يوم طلعوا الفجر راحو ناحية مخيم الشباب وفتحوا البيت الألمنيوم الي يحتفظون فيه الشباب بأغراضهم وسرقوا منه دباب مشعل (البانشي) وتسحبوا فيه إلى مخيم الحريم وخبوه بوحدة من الخيم لأنهم عارفين إن الشباب بيطلعون الصبح للصمان وماراح يطرالهم يتفقدون البيت}
مشاعل :بس بصراحة شرايكم
في : الصراحه شيء . كله هم يستانسون حتى إحنا نبي نستانس
عهود: بس تدرون ياويلكم من مشعل إن درى
ساره: ياذا المشعل الي غاثينا فيه والله غنه فاقع مرارتي أعوذبالله وجهه يجيبلي الكدر
وقاموا هالبنات كل وحدة تركب الدباب وتسوي للباقي كم حركة وهم مايفوتون شي كل شيء يسوونه لازم يصورونه بكميراالفديو على قولتهم ذكريات لاتنسى
......ولحظهم الخايس مشعل كان رايح المحطه يعبي سيارته بانزين وبيرجع للمخيم لأنه مواعد جداته إنه يوديهم للصمان......
مشعل وهو يقرب من المخيم مايلمح إلا هالغبرة تطاير إستغرب قام وزاد السرعه ويوم صار قريب
مشعل وهومنصدم وفاك عيونه عالأخير (يابنات اللذين)
كان ذاك الوقت ضحى وفي وساره ثلاثتهم راكبين عالدباب يازعم بيسوون حركات ...... ويسمعون ذيك الصرخه ماتقولون إلا طرزان فتى الأدغال........
مشعل بصراخ: ثلاثه ياحيوانات
دبابـــــــــــــــــــــــــــــــــــــــي والله لآوريكم
البنات أول ماشافوا مشعل حط رجلك ماتلمح إلا غبرتهم
....... البنات وبلا تردد راحوا صوب خيمة العجايز ههههه.....عارفين إنه ماراح يقدر يسويلهم شيء لأنهم بيكونون تحت حمايه الكباريه ههههههههههههههههههه
..... البنات دخلوا وركض إلتفوا حول جدتهم العودة وإسمها وسميه
هالجدة سبور يعني شبابيه ميه بالميه راعية وناسه وسوالف تموت عالبنات وتساندهم على طول الخط حتى لو كانوا غلطانين دومها معهم))
دخل مشعل الخيمه والشرار يفوح منه يتطاير :
مشعل: من فيكم الي تجرأت وسرقت دبابي
الجدة وسميه:أنا الي قلت لعباس(الطباخ) يعطيني المفتاح حق البيت وخليتهم يطلعونه عشان يستلنسون فيه شوي
مشعل: بس يمه هالدباب خطر عليهم وهم مايعرفونله
الجدة وسميه:ويوم إنه خطر ليه تشتريه
مشعل : أنا أعرفله وبعدين إفرضي خربوه
الجدة وسميه: فدوه عن أعمارهم
مشعل : يخسون ها أغلى منهم كلهم
الجدة وسميه: آفا يامشعل تسوم خواتك بها الحديده
مشعل : لا يمه بس كان قالولي وأنا أعطيهم إياه
بشاير:كذاااااااااااااااااااااااااااب كم مره طلبناك
مشعل يخزها بعيونه :إنتي أوص ولا كلمه الوعد بعدين
الجدة وسميه: تهددها وأنا جالسه قدامك ماتستحي
مشعل : العذر يمه ترى أنا إلا أمزح
بشاير: يمه تراه كذاب إذا رحتي بيمسكني وبيليخني
الجدة وسميه: والله لو مد إيده على وحدة فيكم لاهو ولدي ولاأعرفه
مشعل وهو متضايق:مايصير إلا الي تامرين فيه يالغاليه
أم خالد (جدة ساره من أبوها): يمه مشعل خلك من البنيات ويالله قم سرينا نبي نوصل الصمان قبل العصر
مشعل : حياكم الله أنا جاهز
....... وأخذ جداته وراح.....

في خيمة البنات
في:ههههههه مسكين مشعل مات قهر
بشاير: ههههههه تصدقون كان خاطري أصور وجهه
شيخه : أفا عليك ماتمر هالسالفه علينا
ضحى :صورتيه
شيخه: طبعآ
مشاعل : أسكتي أنا كنت أتنافض من الروع وأقوم ألتفتلك على سويره وشويخ أبي أشوف شبيسوون إلا لقيتهم مشغلين هالكميرا وطايحين تصوير قمت أغمز لهم بعيني أخاف يلتفت عليهم ويرجخهم
شيخه : عاد مش لهدرجه حشى الي يسمعكم يقول مسوين جريمه
ساره: لا وإنتي الصادقه جنايه .... بس تدرون أنا أعرف مشيعل ماراح يعديها على خير لازم بيردها لنا وإحنا لازم نكون على أتم إستعداد
في: يعني بدت الحرب السنويه
ساره: أكيـــــــــــــــــــــــــــــــــــــــــــــد
نوف : حرام عليكم خليتوها حرب
مي: إنتي جديدة بهاالموضوع
ريم: أي موضوع
مي: ياحلوين إحنا من العام كانت بينا وبينهم حرووووووووب كان بعضها ينتهي بالإنتصار وبعضها بالهزيمه النكراء
نوف: من جدكم
مي: لا من عمنا
ريم:هههههه حلوة بس لاتعيدينها تضحكين على إختي عيب مايصير
مي : السموحه طال عمرتس
نوف: طيب علمونا شصار بهاالحرب ووش سببها
ضحى: أنا بقولك في يوم قبل سنه من ألحين........
فبل سنه في ظهيرة أحد الأيام
مي:بنات شرايكم اليوم نسوق سيارات
ساره: أنا ماعندي مانع لنا إسبوع ماسقنا سيارة
مشاعل:طيب خلونا نكلم واحد من الشباب عشان يسوقنا
عهود: ومن تختارون عشان نكلمه
ساره: ماأدري الأسبوع الي طاف كانوا سعد وخالد وماأظن بيرضون اليوم
بشاير: طيب خلونا نكلمهم ونشوف
في: خلاص أنا بكلم أبوي وبخليه يكلمهم يسوقونا
في(ألو مرحبتين كبار بشيخ ال.........)
أبوها(حمد):هلا ومرحبا حيالله الشيخه في بنت حمد
في :شخبارك وشالعلوم من عندكم
حمد: الحمدلله .ماعندنا علوم إلا من عنكم
في: مشاءالله تفهمها عالطاير فديتك
حمد: بنتي وخبز إيديني وشلون ماأفهملك آمري تدللي شتبين
في: جعلني ماأفقد هالحس يالله ياكريم تحفظلي أبوي حبيبي
حمد: ههههه لازم التقردن ودهان السير ولا مايمشي الموضوع
فب: بابا حبيبي إنت بغينا أنا والبنات اليوم تسوقونا السياره معليه
حمد: لامش اليوم خلوها يوم ثاني
في وبخيبة أمل: ليـــــــــــــــــــــــــــــــــــــــــه
حمد: إحنا والشباب معزومين اليوم عالعشاء عند ناس من الجماعه وبنسري صوبهم بعد شوي
في بحزن: تروحون وترجعون بالسلامه فمان الله
حمد: فمان الكريم
البنات:هاه بشري
في : يقول كلهم معزومين عالعشاء عند ناس يعني حريمتكم اليوم
بشاير: عادي متعودين ..مرة ثلنيه إن شاءالله ... شرايكم نروح ونفرش لنا بساط بره ونشغل المسجل ونطرب أعمارنا
البنات :يالله
................وإشتغلوا رقص ولعب......................
بعدين عالساعه 4 العصر وبعد ماراحو الشباب
ساره: والله خاطري أسوق اليوم
في: طيب شنسوي مافيه أحد
ساره بمكر: لافيه عباس الطباخ معه النيسان
عهود : إنتي إنهبلتي وشلون تبينا نروح مع عباس ولحالنا بعد هذا خبل مايعرف شي بالبر حده المطبخ
ساره: ومن قال بناخذه معنا
مشاعل : قصدك نروح لحالنا
ساره: لأ بناخذ أمي وسميه فديتها أحسن دليل وبعدين هي تحبناوماراح تفشلنا
في: صدقك وبعد محد راح يقدر يتكلم دامها معنا
ساره : خلا ص خلونا نروح نكلمها
يتبع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
رواية أقول أنسى تمر ذكراي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات نايس بلو :: القسم الادبي :: القصص و الروايات-
انتقل الى: